САНҶИШИ ҲОЛАТИ САНИТАРИИ МАСҶИДҲО НАБОЯД БОИСИ ПӮШИДА ШУДАНИ ОНҲО ГАРДАД!
Маркази давлатии эпидемилогӣ ва назорати санитарии дар шаҳри Кӯлоб будаи вилояти Хатлон дар якҷоягӣ бо прокуратура, санҷиши санитарию гигиении масҷидҳоро тибқи меъёрҳои қабулшуда оғоз кардаанд. Дар рафти санҷиш шароити санитарӣ ва гигиении масоҷиди ин вилоят бо диққат дида баромада хоҳад шуд.
Дар ривояте мехонем, ки Расули Худо (с) масҷидро писандидатарини ҷойҳо (дар рӯи замин), дар назди Худованд унвон кардаанд. Ва низ масҷидро хонаи Худо гуфтаанд. Хонаи Офаридгоре, ки ҳеч гоҳ ва ба ҳеч ваҷҳ зулмро дар ҳақи касе раво надонистаст. Шояд ба ҳамин далел, ҳазрати Паёмбар (с) фармудаанд, ки ҳар касе пиёз, сирпиёз (ва ё амсоли он) хӯрда бошад, ба масҷид,(ба намозгоҳи мо) наздик нашавад, чунки фариштаҳо аз он нороҳат мешаванд ва…
Худои таъоло дар Қуръони карим фармуда: «Ва макони хонаро барои Иброҳим ошкор кардем ва гуфтем: «Ҳеч чизро шарики Ман масоз ва хонаи Маро барои тавофкунандагон ва ба намоз истодагон ва рукуъкунандаву саҷдакунандагон покиза бидор» (Ҳаҷ, ояи 26). Имом Қуртубӣ дар тафсири ин ояи нуронӣ ишора мекунад, ки покиза нигаҳ доштани хона аз ҳамаи нопокиҳо, бидъатҳо, бутпарастиҳо ва хунрезиҳост. Аз Оиша (р) ривоят шудааст, ки ӯ гуфт:
«Расули Худо (с) амр карданд, ки дар деҳаҳо ва ё дар миёни қабилаҳо масҷид бисозед ва онро покиза нигаҳдорӣ кунеду низ атрогинаш намоед» (ривояти саҳеҳ аз Абӯдовуд ва Тирмизӣ). Худованди Маннон дар Қуръони маҷид фармудааст: «Эй фарзандони Одам, ба ҳангоми ҳар ибодат либоси худ бипӯшед!»
(Аъроф, ояи 31). Бо вуҷуди он ки Худованди Раҳим дар ин ояти карима дар хусуси Хонаи Каъба ҳарф мезанад, аммо Ибни Касир дар тафсири ин ояи карима ба нақл аз суннати Паёмбар (с) мегӯяд: худороӣ дар вақти намоз, ба вижа дар вақти намози ҷумъа ва идҳо амри мустаҳаб аст.
Дар ривояте омадааст, ки назофат-покизагӣ нисфи имон аст. Ҳамчуни шариъати ислом низ вобаста ба покизагӣ барои намозгузор чанд шарт мегузорад: 1. Покии бадан 2. Покии либос 3. Покии ҷои намоз, ин ҳама покиву покизагӣ бар он далолат мекунад, ки ислом ҳама покиву покизагист.
Бар замми ин, тавре дар боло зикр шуд, шариати Муҳаммадӣ ҳатто ба намозгузорон пиёзу сирпиёз хӯрда иҷозаи ворид шудан ба масҷидро то се рӯз надодааст, чун аз ин бӯи нохӯш фазои атрогини масҷид халалдор мешаваду ҳам мардум ва ҳам фариштаҳо аз он нороҳат мешаванд…
Дар ривоёти низ мехонем, ки Расули Худо(с) фармуданд: «Туф кардан дар масҷид хато ҳаст ва каффорат (ҷуброн)-и он пок кардани вай (яъне ҳамон туф) аст» (ривояти саҳеҳ аз Бухорӣ ва Муслим). Дар ҳадиси дигар низ аз Абӯҳурайра(р) ривоят шудааст, ки марди сияҳпӯсте ё зани сияҳпӯсте масҷидро тоза мекард, ӯ мурд, Паёмбар(с) дар бораи вай пурсиданд, ба Ӯ(с) гуфтанд, ки он кас вафот кардааст, гуфт: чаро маро огоҳ накардед! Қабри он мард ва ё занро бароям нишон диҳед, Паёмбар (с) ба назди қабри он рафта бар вай намоз гузоштанд» ( ривояти саҳеҳ аз Бухорӣ ва Муслим).
Низ аз Анас (р) ривоят шудааст, Паёмбар(с) балғамеро дар қиблаи масҷид дида аз ғазаб рӯяшон сурх шуд, зани ансорие омада онро пок кард (яъне, балғамро аз қибла тоза кард) ва ҷои онро ба мисли пешин тозаву покиза намуд, Паёмбар (с) фармуданд “чӣ аз ин беҳтар?”» ( ривояи саҳеҳ аз Насоӣ ва Ибни Моҷа). Аз ин ривоятҳо бар меояд, ки тозаву озода нигаҳ доштани масҷид, дар ҳар давру замон ва ҳар маконе, ки мусалмонон ба сар мебаранд, амри мустаҳаб аст.
Ба вижа дар ин мавсим, ки оғози фасли гармо мебошаду баъзе ҷойнамозҳои масоҷид ва фаршҳои онҳо ба шустану покиза нигоҳ доштани ҳарчи бештар ниёз доранд, кори ҳар фарди намозгузор ва мӯъминест, ки аз фармудаҳои Расул (с) пайравӣ намояд ва тибқи меъёрҳои санитарию гигиении қабулшуда амал намоянд.
Мардуме, ки хонаҳои Худоро на танҳо бо қиёму рукӯъ ва саҷдаҳояшон обод мекунанд, ҳамчунин бо аз ҳама ганду олӯдаҳо тоза нигоҳ доштани масоҷид имондории худро исбот мекунанд. Ҳазрати Ҳақтаъоло фармудааст: «Масҷидҳои Худоро касоне ободон мекунанд, ки ба Худо ва рӯзи қиёмат имон овардаанд ва намоз мегузоранд ва закот медиҳанд ва ҷуз аз Худо наметарсанд. Умед аст, ки инҳо аз ҳидоятёфтагон бошанд!» (Тавба, ояи 18)
Аммо, ин дар ҳолест, ки Қонун рафтани ноболиғон дар вақти намозҳои панҷгона ва ҷумъа ба масҷидҳоро манъ ва иштироки онҳоро дар маросими мазҳабӣ маҳдуд кардааст. Бархе аз намояндагони мақомоти интизомӣ садди роҳи рафтани ноболиғон ба масҷид шудаанду баъзеҳоро риштарошон кардаанд, ки ин амалҳо то ҷое боиси сард шудани эътиқоду эҳтироми мардум нисбати масъулин шудааст.
Бо дарназардошти ин вазъият мабодо ин амр (санҷиши санитарию гигиенӣ) низ баҳонаи бастани чандин масҷиди дигар шаваду нафрати мардум бедор гардад. Накунад, ки чунин шаваду он гоҳ намозгузороне дасти дуо ба сӯи Ҳазрати Якто баланд кунанд ва ба ғазаби Ӯ чандин марди дигар гирифтор шаванд, чунки Худои таъоло мефармояд:
«Кист ситамкортар аз он ки манъ кард масҷидҳои Худоро аз он ки ёд карда шавад номи Худо дар онҳо ва дар вайрон сохтани онҳо кӯшид? Раво нест дар он масҷидҳо ҷуз бимноку тарсон дохил шаванд ва насибашон дар дунё хорӣ ва дар охират азобе бузург аст!» (Бақара, ояи 114).
Амруллоҳи Низом, «Рӯзгор»
-
06.11.2026 17:11
287
Иштирок дар ҷаласаи “Раванди Ақаба” оид ба масъалаҳои таъмини амният дар соҳаи зеҳни сунъӣ
-
06.11.2026 17:09
251
Паёми шодбошӣ ба муносибати Рӯзи Конститутсия
-
04.11.2026 11:40
257
Душанбе — маркази сулҳ: Ҳамоиши таърихии СММ барои ояндаи наслҳо
-
16.10.2026 13:18
831
Рӯзгори синамои тоҷик: аз «Қисмати шоир» то муваффақиятҳои байналмилалии имрӯз
-
14.09.2026 04:00
523
Парламент ва дипломатияи миллӣ: 35 соли мустақилияти Тоҷикистон
-
08.05.2026 19:24
1052
9 май – Ғалабае, ки то имрӯз зинда аст
-
04.11.2026 11:44
191
Энергетикаи асри нав ва рӯзгори рақамӣ: Иштироки Тоҷикистон дар ҳамоишҳои нафту гази ҷаҳон «ADIPEC-2026» дар Абу-Забӣ
-
30.10.2026 12:50
319
Сармоягузории 62 миллион евроӣ ба рӯзгори мардум: Навсозии роҳи Сари Хосор ва оби тоза барои Кӯлоб
-
28.10.2026 17:41
220
Тандеми бонкҳои Тоҷикистон ва ширкати «Textima»-и Олмон барои рушди саноати ватанӣ
-
25.10.2026 20:01
773
Бахши «Мусоҳибаҳо»-и сомонаи «Рӯзгор»: оинаи зиндагӣ ва таҷрибаи наслҳо
-
19.10.2026 12:09
453
The Belfast News Letter: Рӯзномае, ки аз нома то афсона расид
-
12.10.2026 00:59
742
“Wiener Zeitung”: Рӯзномае, ки Империяро дид ва ба рақам гузашт
-
13.11.2026 23:29
145
Бозгашти парвозҳои минтақавӣ: «Shohin Airlines» самтҳои Хоруғ, Хуҷанд, Бохтар ва Кӯлобро ба роҳ мемонад
-
11.11.2026 14:29
130
Имзои Созишномаи ҳамкорӣ ва муаррифии рамзи «Соли маърифати ҳуқуқӣ» аз ҷониби Тоҷикистон дар Ереван
-
08.11.2026 17:37
184
Аз «кулӣ» то «шоир»: даҳ вожаи тоҷикӣ ва фарзияҳои пайдоиши онҳо
-
11.11.2026 14:40
125
Рушди фазои ягонаи таҳсилот: Натиҷаи ҷаласаи Шӯрои маорифи ИДМ дар Душанбе
-
08.11.2026 17:17
162
Асрори шеъри Ҳофиз: “Дӯш дидам, ки малоик...”
-
30.10.2026 13:04
260
Фарёди ёди Лоиқ дар қалби Русия: Бозтоби худогоҳии миллӣ ва сулҳпарварии тоҷикон дар маҳфили адабии Москва
-
04.11.2026 11:55
244
Аз рақамикунонӣ то ҳимояи ҳуқуқӣ: Оё механизмҳои нав метавонанд мушкили муҳоҷирони тоҷикро коҳиш диҳанд?
-
23.10.2026 12:43
462
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
-
02.10.2026 13:53
549
ПУРСИДЕД, ҶАВОБ МЕДИҲЕМ. Пеш аз сафар ба Федератсияи Русия чиро бояд донист?
-
12.10.2026 01:06
528
Марҳалаҳои даъвати Паёмбар (с)
-
17.09.2026 21:27
508
Издивоҷи Паёмбар (с) бо Хадиҷа
-
10.09.2026 22:44
729
Паёмбар (с) таҳти сарпарастии Абдулмутталиб
-
08.11.2026 17:21
248
Модари солим — ҷомеаи солим: Фарҳанги тиббии занон ва ояндаи миллат
-
01.11.2026 11:40
182
Асри стресс: Чӣ тавр зани муосир метавонад руҳияи худро ҳифз кунад?
-
25.10.2026 19:56
358
Зан - роҳбар: Мушкилоти мувозинат байни кор ва оила
-
12.08.2026 23:15
1201
СУЛҲИ ТОҶИКОН: ХАТИ ВАСЛ АСТ, НА ХАТИ ФАСЛ
-
07.07.2026 12:25
789
Истиқлолияти давлатӣ – пояи давлатдории миллӣ ва кафили рушди устувори Тоҷикистон
-
18.06.2026 23:00
2575
«Ҷашни Ваҳдати миллӣ муборак!»
-
08.11.2026 17:09
224
ҶҶ 2026: Дувумин тоҷгузории Испания
-
01.11.2026 11:27
269
ҶҶ 2022: Ҷоми Месси ва финали афсонавӣ дар Қатар
-
25.10.2026 19:41
356
ҶҶ 2018: Пирӯзии дуввуми Фаронса дар сарзамини Русия
-
08.11.2026 17:15
157
Михаил Кутузов сарлашкаре, ки Наполеонро шикаст дод
-
01.11.2026 11:34
182
Маҳатма Ганди - Падари миллати Ҳиндустон
-
01.11.2026 11:24
172
5 қоидаи тиллоӣ: Чӣ тавр ҳамёни электрониро аз қаллобон муҳофизат кунем?
-
15.11.2026 23:59
154
Ҷаҳон дар соли 2026: Рақобати геоиқтисодӣ, таназзули тартиби якқутбӣ ва ҷустуҷӯи мувозинати нав
-
24.10.2026 23:24
516
Қазияи пурасрори ду муҳоҷири бангладешӣ
-
07.10.2026 13:00
378
"ДАҲ ХАБАРИ РӮЗ" | 7 октябри соли 2026











































Шарҳҳо
«Кист ситамкортар аз он ки манъ кард масҷидҳои Худоро аз он ки ёд карда шавад номи Худо дар онҳо ва дар вайрон сохтани онҳо кӯшид? Раво нест дар он масҷидҳо ҷуз бимноку тарсон дохил шаванд ва насибашон дар дунё хорӣ ва дар охират азобе бузург аст!»
Илохи омин !
(Бақара, ояи 114).
RSS Обуна