14:42:16 29-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Март 2024 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Роғун

"ТАЪХИР ДАР ТАШХИС, "РОҒУН"-РО БА МУШКИЛ РӮБАРӮ МЕКУНАД"

Раҳбари ҳайати вакилони порлумони Аврупо гуфтааст, ба дарозо кашидани ташхис, кор дар нерӯгоҳи Роғунро ба мушкил рӯбарӯ хоҳад кард.

/images/stories/2012/07/18_stivenson_180712.jpgСтруан Стивенсон, вакили порлумони Аврупо, ки бо гурӯҳе аз вакилони Аврупо муддати чанд рӯзи ахир дар Тоҷикистон қарор доранд, рӯзи чаҳоршанбеи 18-уми июл зимни як нишасти матбуотӣ ба хабарнигорон гуфт, ки «дар сурати тӯл кашидани ташхиси байналмилалии нерӯгоҳи «Роғун» тавассути Бонки Ҷаҳонӣ, беш аз 5,5 ҳазор нерӯи кории ин сохтмон бекор монда ва ба эҳтимоли зиёд рӯ ба муҳоҷират хоҳанд овард.»

Дари ин сурат ба таъкиди Стивенсон, нерӯгоҳи «Роғун» бе мутахаассис ва дурнамои корҳои сохтмонӣ дар ин иншооти азим ба мушкил мувоҷеҳ хоҳад шуд.

Ҳайати вакилони Аврупо пас аз дидору мулоқот бо раҳбарияти Тоҷикистон рӯзи гузашта аз маҳалли сохтмони неругоҳи «Роғун» дидан ба амал оварданд. Струан Стивенсон, гуфт, корҳои сохтмонӣ куллан қатъ нашудааст, аммо идомаи корҳои асосӣ низ ба ҳар чӣ зудтар эълом шудани натиҷаи арзёбии коршиносони байналмилалӣ бастагӣ дорад.

Вай ибрози умедворӣ кард, ки коршиносони Бонки Ҷаҳонӣ ҳар чӣ зудтар натоиҷи ташхиси худро эълом кунанд, то ин нерӯгоҳи муҳим на танҳо барои Тоҷикистон, балки барои минтақа сохта шавад. Зеро ин вакили порлумони Аврупо, мӯътақид аст, ки дар сурати мавриди баҳрабардорӣ аз он, кишварҳои минтақа низ нафъи бештаре ба даст хоҳанд овард.

Ин дар ҳоле, ки Узбакистон ҳамвора ба сохтмони нерӯгоҳи «Роғун» мухолифат карда ва соҳибназарон ба тӯл кашидани ташхиси байналмилалии ин нерӯгоҳ тавассути коршиносони Бонки Ҷаҳониро то андозае ба мухолифатҳои ин кишвар рабт медиҳанд.

Аммо Струан Стивенсон, вакили порлумони Аврупо, гуфт, ки «фикр намекунам, ки Бонки Ҷаҳонӣ ба нафъи кадом кишваре кор мекунад, баръакс Бонки Ҷаҳонӣ, масъулияти арзёбии дуруст ва шафофи ин неругоҳро бар ӯҳда дорад».

«Озодӣ»



Назари Шумо

Security code
навсозӣ

sultoni-qalbho
askshoi-khotiravi