14:04:17 28-уми Сентябри 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Сентябр 2020 > >>
Дш Сш Чш Пш Ҷм Шб Яш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Роғун

Бонки Ҷаҳонӣ барои сохтмони Роғун тарҳи мушаххас пешниҳод намекунад

Бонки Ҷаҳонӣ натиҷаҳои арзёбии навбатии худро роҷеъ ба сохтмони обанбори ниругоҳи барқи обии Роғун дар ду гузориш ба нашр расонд. Гузориши аввал бо номи “Таҳқиқи ҷуғрофиёӣ ва геотехникии таркиби хоки обанбору атрофи он ва намакҳо” ва дуввум бо номи “Гузориш дар бораи корҳои анҷомшуда дар ниругоҳи Роғун” ба нашр расидааст.

rogun-5454545Гузориши аввал ба таркиби хоку намакҳои дараи Ёнахш, яъне маҳали сохтмон ва атрофи обанбор иртибот дорад, ки барои амнияти ояндаи обанбору сарбанд омили асосӣ ба шумор меравад. Дар гузориши дуввум таъсисоти сохташуда, аз ҷумла нақбҳои зерзаминии обгузар, нақбҳои рафту омад ва нақлиётӣ, сифати кор ва амнияти онҳо бо назардошти меъёрҳои  мавҷуда ба баррасӣ гирифта шудаанд ва дар ин бора пешниҳодҳо низ дода  шудааст.

Бонки Ҷаҳонӣ рӯзҳои 17-18 октябр ҷаласаи чаҳоруми худро баргузор мекунад ва дар он 6 кишвари ҳавзаи Ому, яъне Тоҷикистону Узбакистон, Афғонистону Қирғизистон ва Қазоқистону Туркманистон ширкат меҷӯянд. Ин ҷаласаи видеоиро дафтари Бонки Ҷаҳонӣ  дар Душанбе баргузор мекунад ва намояндагиҳои бонки мазкур дар Пориси Фаронса ва Кобул низ як ҷо бо намояндагиҳои бонк дар кишварҳои дигари Осиёи Марказӣ ширкат хоҳанд варзид.

elena-karaban-4545Елена Карабан-коршиноси аршади Бонки Ҷаҳонӣ дар умури Аврупо ва Осиёи Марказӣ ба мо гуфт, “ин ду гузоришро ширкати “Coyne et Bellier”-и Фаронса таҳия кардааст ва онро гурӯҳи вижаи коршиносон баррасӣ намудаанд. Хонум Карабан мегӯяд, ин ду гузоришро набояд ба унвони арзёбиҳои ниҳоӣ ё хулосаҳои ниҳоӣ қабул кард, зеро ширкаткунандагони ҷаласаи чаҳорум рӯзҳои 17-18 октябр ин ду гузоришро баррасӣ ва андешаҳои худро роҷеъ он  пешниҳод мекунанд.

Гузашта аз ин, роҷеъ ба ин масъала машваратҳои чандҷониба низ анҷом мегирад. Ҳамчунин гурӯҳи коршиносон пешниҳоди ҳукуматҳои ҳавзаи рӯдхонаи Ому, коршиносони минтақа, намояндагони ҷомеаи шаҳрвандиро гирдоварӣ мекунанд ва таҳлилу баррасиҳо бо назардошти пешниҳоди ҷонибҳои гуногун идома хоҳад ёфт. Ин пешниҳодҳоро Бонки Ҷаҳонӣ то 1 ноябри соли 2013 қабул хоҳад кард.

Бонки Ҷаҳонӣ мегӯяд, нақши бонк ин аст, ки маълумоти муқаддамотӣ ва бетарафонаро роҷеъ ба сохтмони ниругоҳи Роғун дар ҷараёни арзёбиҳои мустақилона аз гурӯҳи коршиносону мушовирон гирдоварӣ кунад ва онро дар ихтиёри кишварҳои зидахл қарор диҳад.

Хонум Карабан меафзояд, дар марҳилаи кунунӣ маълум нест, ки натиҷаҳои ниҳоии арзёбиҳо роҷеъ ба сохтмони ниругоҳ кай омода ва ба чоп хоҳанд расид. Вале Бонки Ҷаҳонӣ мехоҳад, ки бо назардошти таҷрибаи мавҷудаи сохтмони ниругоҳҳои бузург дар ҷаҳон арзёбии дақиқ ва расидагиҳои ҳамаҷонибаро дар оянда таъмин кунад ва онро дар ихтиёри маҳофили ҷаҳонӣ ва кишварҳои зидахл қарор диҳад.

Ҳоло коршиносону мушовирони техникӣ, иқтисодӣ ва иҷтимоиву зистмуҳитӣ ба таври фаъол омӯзишро идома медиҳанд ва ҳар вақт, ки марҳилаи баъдии кори онҳо ба поён расид, натиҷаи арзёбиҳои онҳо нашр хоҳад шуд.

Бонки Ҷаҳонӣ тарҳи ягона ё ниҳоии сохтмонро пешкаш намекунад ва ҳамчунин ба хулосае нахоҳад расид, ки ниругоҳи мазкур сохта шавад ва ё сохта нашавад, балки барои тасмимгириҳо ва маълумот чанд роҳи сохтмонро чун тарҳи қобили қабул пешниҳод мекунад. Дар ин тарҳҳо муқаррароти байналмиллалӣ, қарордодҳои байналмиллалӣ ва масъалаи сармоягузории тарҳ дар назар гирифта мешаванд. Бонк мегӯяд, ки масъалаи сармоягузории тарҳро ҳеҷ гоҳ бар уҳда намегирад.

Қарор буд Бонки Ҷаҳонӣ ин ду гузоришро тобистони соли ҷорӣ ба нашр расонад. Вале дар ин кор таъхир ба амал омад ва таи ин муддат кормадони Бонки Ҷаҳонӣ дар Вашингтон бо намояндагони ҳукумати Тоҷикистон ва гурӯҳи коршиносону мушовирони мустақил мулоқотҳо анҷом дод. Бо вуҷуди таъхир дар чопи гузоришҳои мазкур аз арзёбиҳои ахир метавон ба хулоса расид, ки маҳали обанбор ва навъи сарбанди кунунӣ барои сохтмони ниругоҳи Роғун муносиб аст.

Сохтмони ниругоҳи Роғун дар соли 1965 дар солҳои Шӯравӣ барномарезӣ шуда буд ва корҳои сохтмонӣ дар он соли 1976 оғоз ёфт. Тибқи нақша баландии сарбанд аз 335 метр ва ниругоҳ аз 6 чарха ё агрегат иборат хоҳад буд. Ҳар чарха бояд 600 МВт нируи барқ тавлид кунад. Гузашта аз ин, ниругоҳ дорои толори зерзаминии таҷҳизот, толори трансфарматорҳо, нақби симҳои барқ ва амсоли он хоҳад буд, агар чанд нақби зерзаминии обпарто дар ҳар ду тарафи соҳил дар назар гирифта нашавад.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi