00:11:23 21-уми Сентябри 2019 сол
Ahmad Zahir - banner 2015
 
 youtube-ruzgor-2014

Qissahoi hijrat - 2015
 
1.banner grunger 2019
 

Тақвим

<< < Август 2009 > >>
Дш Сш Чш Пш Ҷм Шб Яш
          1 2
3 4 5 6 7 8 9
10 11 12 13 14 15 16
17 18 19 20 21 22
24 25 26 27 28 29 30
31            

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Занон дар муҳаббат хеле ҳассосанд

Дуруду салом ба ҳамаи онҳое, ки шумораи гузаштаи "Рӯзгор"-ро мурур карданд. Аз ҳафта ба ҳафтаи дигар фикри тозае ба сар мезанад, андешаи дигар пайдо мешавад ва кас мекӯшад зуд онро амалӣ созад. Ва кули ин андешаҳо аз вокуниши хонандагони нашрия ба сар меояд.

kulob-mahtob-45788989Ҳафтаи гузашта рӯзноманигори шинохта Мунаввари Мунавварзод пешниҳод кард, ки саҳифаи варзишии "Рӯзгор" бахши хабарҳо дар як сатр дошта бошад. Зеро, ба гуфтаи ӯ, ахбори варзишӣ дар кишвар ва хориҷ аз он басо зиёд аст ва ҳамаи онро муфассал дар як саҳифа ҷо додан имкон надорад. Пешниҳод аз ҷониби ҳайати эҷодӣ пазируфта шуд ва ин сатрҳои мухтасари варзишӣ дар саҳифа ҷо хоҳанд гирифт.

Донишманд ва пажуҳишгари вашоири шинохтаи тоҷик, устоди Донишгоҳи миллӣ Рустами Ваҳҳоб дар бораи  мақолаи "Кӯлоб бе Маҳтоб монд" ибрози назар кард. Вай гуфт Маҳтобро пеш шунида буду надида ва шеърашро нахонда. Ҳоло аз мақола на танҳо аз фоҷеаи рӯзгори шоираи ҷавонмарг бохабар шудааст, балки намунаҳои ашъорашро низ хондаву дарк кардааст, ки хеле шеърҳои пухтаву равон суруда будааст.

Бо ташаккур аз устод Рустами Ваҳҳоб изҳор медорем, ки "Рӯзгор" дар яке аз шумораҳои наздиктарини худ дар як саҳифа намунаҳои ашъори ин шоираи нозурбаён ва ғурамаргро пешкаши алоқамандонаш хоҳад намуд.

Ва ҳоло бинем, ки чӣ номаҳо ба мо расидаанд:

Акбари Саттор шеър мехонад?

Саҳифаи нави шумо бо номи "Армуғони Ҳамешабаҳор" хушам омад. Чопи як шеъри хуб аз ҳар иштирокчии маҳфили Хайрандеш-"Ҳамешабаҳор" хеле иқдоми хуб аст ва қобили дастгирист. Навқаламони беминбар бо ин васила соҳиби минбар шуданд. Ва боз ин ки намунаи ашъори шогирдонаашон на мустақим, балки баъди маҳфил ва аз ҷониби "Ҳамешабаҳор" ба "Рӯзгор" пешкаш" мешавад.

Аз шеъри Мафтунаи Назир, донишҷӯи курси аввали факултаи журналистикаи ДМТ "Орзу", хуш шудам. Вай мегӯяд:

Бо ҳама кӯшишу ғайрат, дониши аълою хуб,

Ман Раиси Иттифоқи журналистон" мешавам.

Намедонам Акбари Саттор шеър мехонад ё не. Агар хонад аз ин намеранҷад, ки  аз ҳоло ба курсии ӯ чашм "ало" мекунанд (шӯхӣ)?

Насриддин Саид

Ташнаи сӯҳбати адиб шудем

Сӯҳбати шоири Қурғонтеппа Озар маро ба андешаи дурии адибон аз мардум бурд. Мо солҳои пеш медидем, ки Иттифоқи нависандагон шоирону нависандагонро ба корхонаву хоҷагиҳо сафарбар мекард. Ёд дорам худораҳматии Лоиқ Шералӣ ва Қутбӣ Киром ба хоҷагии мо омадаву қариб ду соат шеърхонӣ карданд ва як нафар, ки номаш аз ёдам бирафт, бо онҳо буд, ки суруд мехонад. Баъди ин гуна мулоқот одам мехост фақат шеър хонад ё шоир кобад.

Падари марҳумам, ки муаллим буданд, мегуфтанд, ки агар инсон дар умраш ақалан як китоб хонда бошад, даст ба ҷиноят намезанад. Ҷинояткорӣ аз ҷаҳолату бесаводист ва марди китобхон доимо пойбанди андешаҳои қаҳрамонони мусбии китобҳои хондаи ӯ мебошад.

Сӯҳбати Озар дар ҳақиқат омӯзанда буд. Ва чун онро мехондам, тасаввур кардам, ки бо адибон ҳамнишинам.

Мирасрор Набӣ, сокини собиқ хоҷагии Жданови ноҳияи Турсунзода

Маҳтоб рафтаву шаби мо торик шуд

Мақолаи ӯлоб бе Маҳтоб монд"-ро хондам. Замоне дар Кӯлоб бо марҳум қариб, ки ҳамсоя будем. Мо як кӯча болотар мезистем. Аммо ҳама ӯро мешинохтанд.

Аслан Кӯлоби он замон, ки чандон ба масоҳат бузург набуд, ҳамаро бо якдигар ошно карда буд. Вале Маҳтобро бештар медонистанд, аз шеъраш, аз хислату одобаш. Дӯсташ медоштанд ва сазовори ин гуна муҳаббат ҳам буд.

Аммо ҷанг ҳоли ӯро ҳам хароб кард. Ҷудоӣ аз шавҳари дӯстдошта ва мушкилоти зиндагӣ Маҳтобро бештар аз дигарон гирифтор карда буд.

Солҳои ҷанг мо бо хонавода аввал ба Душанбе кӯч бастем ва баъд ба Русия рафтем. Ҳоло боз омадем баргаштаву дар ватанем. Дар пойтахт хона дорем ва истиқомат мекунем. Аммо ман намедонистам Маҳтоб бандагӣ кардааст.

Инро аз мақолаи "Рӯзгор" "Кӯлоб бе Маҳтоб монд" хондам. Ва хондаму ашкам рехт. Ҳамаи онҳое, ки мешинохтем, гиристем. Ман мақоларо ба хешону наздиконам нишон додам ва дар бораи Маҳтобвӣ гап задам. Ният кардам, ба Кӯлоб, ки равам, ҳатман сари манзилаш меравам ва дуо мекунам. 

Аз даст додани инсонҳое чун Маҳтоб хеле сахт аст. Ҳисс кардам, ки дарди ишқ оқибат ӯро аз пой зад ва дардашро бо худ ба худ бурд.

Рафтани Маҳтоб ва қиссаи шӯрангези ишқи ӯ дарсест барои ҳама. Бахусус, мардон бояд донанд, ки занон дар муҳаббат хеле ҳассосанд. Ишқи зан пояндатар аз ишқи мард аст. Занонро гиромӣ доред, мардон.

Давлатмоҳ, Душанбе

Зан метавонад президент бошад

Оре, метавонад. Шояд дар Тоҷикистон натавонад, чун яқинан овоз намегирад. Вале дар мамолики демократӣ метавонад. Кам нестанд ин гуна мисолҳо. Аммо чаро дар Тоҷикистон наметавонад? Дар кишвари мо системаи падарсолорӣ салтанат дорад ва мардон аз занон дар қудрат муқаддамтаранд. Он се-чор зане, ки дар вазоратҳову корхонаҳо дар садри роҳбарӣ мебинем, нишони он нест, ки онҳо метавонанд роҳбари хуб бошанд.

Мисли замони Шӯравӣ шудаст. Котиби дуюми ҳизби коммунист аз марказ сар карда, то навоҳии дурдаст, ғайритоҷик буд. Вазифаҳои аслӣ ба зиммаи ӯ вогузор шуда буданд.

Дар мо ҳам дар пешбарии занон ҳамон анъана риоя мешавад. Вале каме дигар. Масалан, зан муовин аст, аммо наметавонад мисли котибони дуюми ҳизби коммунисти замони Шӯравӣ ақалан ҳамвазни раис бошад. Бисёрии онҳо кадрҳои хуб ҳам нестанд. Албатта, ин гуна даъво чандон дуруст нест. Вале ман зиёда аз 10 роҳбарзанро мешиносам, ки он малакаву таҷрибаро надоранд, ки шоистаи ин гуна вазифа бошанд. Аммо аз набудан буданашон беҳ аст.

Ва ҳоло, ки мухолифон Ойниҳол Бобоназарро пешниҳод кардаанд, гумон мекунам ҳарчанд президент намешавад, вале як андоза эҳтироми зан ва боварӣ ба вай аст. Интихоб шавад чӣ хубе, нашавад ҳам чизеро бой намедиҳад. Бигзор иштирок кунад. Отунбоева ҳам шуда натавонад, ақалан мегӯем, ки зани боҷуръате дорем, ки худро на камтар аз Эмомалӣ Раҳмон медонад.

Нигина Орзумуродова, унвонҷӯ



Назари Шумо

Security code
навсозӣ

sultoni-qalbho
askshoi-khotiravi