КОНФРОНСИ БЕДОРИИ ИСЛОМӢ - ФУРСАТИ МУНОСИБЕ БАРОИ КАСБИ ТАҶРИБАИ АРЗИШМАНДИ ЭРОН

Эшони Нуриддин ва Ҳоҷӣ Акбари Тӯраҷонзода аз шахсиятҳои барҷастаи сиёсӣ ва мазҳабии тоҷик, дар дидор бо Дабири Созмони Бедории Исломӣ, баргузории иҷлоси Теҳрон бо ҳузури бузургони наҳзатҳои исломиро фурсати бо арзиш барои касби таҷрибаи арзишманди Эрон дар ин замина донист.

Тибқи хабаргузории «Форс» аз маҳали баргузории нахустин Иҷлоси Созмони Байналмилалии Бедории Исломӣ дар Теҳрон, бародарон Нуриддин ва Акбари Тӯраҷонзода аз шахсиятҳои барҷастаи сиёсӣ ва мазҳабии Тоҷикистон дар дидор бо Алиакбари Вилоятӣ, дабири ин ҳамоиш, бо вай дар бораи мавзӯъоти матраҳшуда дар нахустин рӯзи ни нишаст, аз ҷумлаи ҳаракатҳои ахир дар ҷаҳони ислом ва ҳамчунин таҳавулоти дохилии Тоҷикистон баҳс ва табодули назар карданд.

Бародарони Тӯраҷонзода, ки аз ҷумлаи шахсиятҳои саршиноси мазҳабӣ ва сиёсии Тоҷикистон ва ҳатто Осиёи Марказӣ маҳсуб мешаванд, бо ишора ба бархе аз иқдомоти давлатҳои Осиёи Марказӣ дар эҷоди бархе аз маҳдудиятҳо барои мусалмонони ин минтақа, баргузории чунин нишастҳоеро гоми муҳиме дар тақвияти ҳамкории мусалмонони кишварҳои минтақа донистанд.

Тӯраҷонзодаҳо ҳамчунин бо ибрози ризоият аз баёнияи оятуллоҳ Софии Гулпоягонӣ дар хусуси интиқод аз амалкарди давлати Тоҷикистон дар қиболи мусалмонон, зимни ташаккур аз иқдоми ин манобеъи олии кишвари Эрон, натоиҷи судури ин баёния дар Тоҷикистон ва минтақаро мусбат ва қобили таваҷҷӯҳ арзёбӣ карданд.

Нахустин Конфронси Байналмилалии Бедории Исломӣ, бо ҳузури 600 андешаманди хориҷии беш аз 80 кишвари дунё аз ҷумлаи ҳавзаи Осиёи Марказӣ ва 400 мутафакири дохилӣ, аз рӯзи 17-уми сентябр ба муддати ду рӯз дар маркази Ҳамоишҳои Байналмилалии Садо ва Симои Ҷумҳурии Исломии Эрон кори худро оғоз кард ва имрӯз, 18-уми сентябр, ба кори худ поён хоҳад дод.

«Рӯзгор»