09:45:33 26-уми Ноябри 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Ноябр 2020 > >>
Дш Сш Чш Пш Ҷм Шб Яш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25
Внимание
  • Lack of access rights - File 'http:/scontent-arn2-2.xx.fbcdn.net/v/t1.0-0/c0.0.1117.294a/p600x600/91046110_3269520836411096_8955915738908983296_o.jpg'

ЧАРО АМАЛИЁТИ БАДАХШОН "МАХСУС" АСТ?

Коршиносон рӯйдодҳои ахири Хоруғро бо гунаҳои мухталиф арзёбӣ мекунанд. Дар фазои ҳассосе, ки амалиёти нерӯҳои ҳукуматӣ дар Бадахшон ба миён овардааст, коршиносон мегӯянд, ин иқдом аз рӯи фурсати интихобшуда ва шеваи иҷро ҳисобшуда ва мантиқӣ набудааст.

/images/stories/2012/07/25_khorugh-gbao-250712.jpgАксари онҳо бар инанд, ки муваффақияти амалиётҳои гузаштаи нерӯҳои давлатӣ дар тирамоҳи соли 2010 дар Рашт, як сол пеш аз он дар Тавилдара ва ҳам боздошти Сӯҳроб Лангариев дар соли 2008 дар Кӯлоб, “мошини ҳарбӣ”-и Тоҷикистонро мутмаин кардааст, ки дар ҳалли ҳама гуна мушкил метавон аз зӯр истифода кард ва дастболо гашт.

Сарҳанг ё полковники мустаъфии Вазорати дифои Тоҷикистон Хайрулло Ҳайдаров, ки қаблан дар зеркумиссияи низомии Кумиссюни оштии миллии Тоҷикистон фаъолият дошт, мегӯяд, амалиёти Хоруғ низ аз ин лиҳоз ҳеҷ нуқсе надорад: «Ман фикр мекунам, ки ин амалиёт ба ҷо буд, онҳо ба даъвати ҳукумат барои муросо эътибор надоданд, ҳукумат қабл аз он, ки ба ин амалиёт даст занад, ба ин гурӯҳҳо фурсати фикр кардан дод ва чандин музокираҳо сурат гирифт, аммо вақте ки писанди он афод нагашт, сипас даст ба амалиёти низомӣ бурд».

​​Сарҳанг Ҳайдаров таъсири эҳтимолии ҳама гуна омилҳои дигарро дар ин робита рад кард ва ба пурсиши ин, ки оё бо назардошти фарқиятҳои қавмию мазҳабию забонӣ, вазъи геополитикии минтақа, ҳаммарзии Бадахшон бо Афғонистони ноором, баҳси давомдори Душанбе ва Маскав сари пойгоҳи ҳарбии Русия, муносибатҳои сард бо Узбакистон, мушкилоти иҷтимоиву иқтисодии худи кишвар ҳисобшуда ва мантиқист, посух надод.

Акбаршоҳ Искандаров, раиси пешини Шӯрои олӣ ва собиқ иҷрокунандаи вазифаи раисиҷумҳури Тоҷикистон, мегӯяд, ки воқеан, аксари кулли ҳассосиятҳои минтақа ба эътибор гирифта нашудааст: «Вазъият бо ҳамсояҳо хуб нест. Бо Русия ҳам муносибати шаффофу рӯшан надорем. Ҳарчанд мегӯем, ки шарики стратегии мо мебошад, мутаассифона ин хел нест. Душманони давлати мо кам нестанд. Боз гурӯҳҳое пайдо мешуданду мушкилоти дигар ва дасисаҳои нав эҷод карда мешуд.»

Бархе аз коршиносон мегӯянд, агар ҳукумат тавонист амалиёти Раштро як иқдоми зиддитеррористӣ ҷилва диҳад ва зоҳиран, барои ин далелҳо низ дошт, гумон аст, тафсири боварбахши ҳамсоне барои айни амалиёт дар Хоруғ ёфта шавад. Ба қавли Парвиз Муллоҷонов, амалиёти Хоруғ метавонад гурӯҳи хурду ночизи саркашро ба нерӯи бузургтаре, ки аз мардум намояндагӣ кунад, табдил диҳад:

​​«Қумандонҳои маҳаллӣ дар Бадахшон ба ҳаёти сиёсии инҷо таъсири ҷиддӣ надоранд. Ва Бадахшон ҳам дар ҷанги дохилӣ бевосита ҳамроҳ набуд. Қумандонҳои ин минтақа бештар дар ҳаёти иқтисодӣ таъсир доштанд. Ва бидуни ошноӣ бо вазъи аслии ин минтақа, оғоз кардани амалиёти низомӣ дар ҷойи қумандонҳои кӯчак як гурӯҳи бузурги мухолифинро ба вуҷуд меорад. Ин амалиёт ба назари ман иштибоҳ буд.”

Дар даврони ҷанги дохилии Тоҷикистон Бадахшон паноҳгоҳи ҳазорон нафар аз помириёне буд, ки аз саҳнаҳои ҷанг дар водиҳои Вахшу Ҳисорро фирор карда буданд. Ва дар ин давра он ба пойгоҳи асосии мухолифон табдил ёфта, ин ҳама муддат ҳамзистии онҳо бо ҳукумати расмӣ таҷриба шудааст.

Бадахшон ягона минтақае буд, ки дар давраи баъд аз ҷанги шаҳрвандӣ шоҳиди тазоҳуроти мардум гашт ва гирдиҳамоиҳои солҳои 2008 ва 2011 баёнгари рӯҳияи аҳолӣ буда метавонанд. Дар ин замина муносибатҳои байниҳамии Помир ва ҳукумати марказӣ начандон гарм ва қобили эътимод будаанд. Акнун чунин амалиёт, ҳарчанд дар посух ба қатли мақоми баландпояи ҳукумат ҷараён гирифтааст, он бегонагиро амиқтар мекунад.

Султони Ҳамад, коршиноси тоҷик мегӯяд, ки дар ин амалиёт мақомоти қудратии кишвар ба сурати умум арзишҳои этникии мардуми Хоруғро сарфи назар кардаанд: «Шумо фаромӯш накунед, ки дар он сӯи дарё, яъне дар рӯ ба рӯи ​​Шуғнони Тоҷикистон дар тарафи Афғонистон ҳам Шуғнон аст. Ва сокинони аслии Хоруғ шуғнониҳо мебошанд. Вақте хабар дода шуд, ки  чанд афғон боздошт шуд, гумони ғолиб ин аст, ки онҳо шуғониҳои он тарафи рӯдхона ҳастанд. Ва бадеҳӣ аст онҳо кӯмак хоҳанд кард. Дигар ин, ки мазҳаби ин мардум фарқ мекунад. Аммо дар ин амалиёт ба ин ҳассосияти этникӣ эътибор дода нашуд, ки худо нахоста метавонист вазъро боз ҳам вахимтар кунад.»

Иттифоқан, хабарҳои нигаронкунанда аз Хоруғ ҳазорон нафар аз зодагони Бадахшонро дар Русия ва кишварҳои дигар ба ҷунбиш овард ва бархе аз нерӯҳои Русиягарову ҷудоиталаб низ талош карданд, аз ин вазъ сӯистифода кунанд. Шоҳдавлат Шоҳнусайриев, коршинси тоҷик мегӯяд, агар амалиёт қатъ нашавад, бо назардошти вазъи ҳассоси минтақа, метавонад Тоҷикистонро ба нооромиҳои давомдор ва харобиовар кашонад.

«Озодӣ»



Шарҳҳо   

 
0 #1 Guest 26.07.2012 12:56
Султони Хамад вокеан дуруст мегуяд. Масъалаи мазхаб сахт мадди назар бояд бошад. Зеро он аз масъалаи миллату давлат болотар меистад, тем более дар мавриди мардуми Бадахшон. Бубинед, хар боре имом Огохони 4 ба Душанбе меояд, мардуми Бадахшон бо чи тантанaву хамхамае уро пешвоз мегиранд ва аз кудаки хурд то марди пир ба пешвоз мебароянд, ки ин теъдоди кам хам нест...
 

Назари Шумо

Security code
навсозӣ

sultoni-qalbho
askshoi-khotiravi