17:39:25 29-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Март 2024 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Ташвиши Имомов аз вазъи Кундуз дар мулоқот бо доктор Абдуллоҳ

Сафири Тоҷикистон дар Кобул Шарофиддин Имомов дар мулоқот бо доктор Абдуллоҳ Абдуллоҳ, аз расидани доманаи хушунатҳо ба марзи ду кишвар ибрози ташвиш кардааст.

imomov-doctor-abdullo-98455Тибқи иттилои дафтари матбуоти раёсати иҷроияи ҳукумати ваҳдати миллии Афғонистон, рӯзи 6-уми октябр сафири Тоҷикистон дар Кобул Шарофиддин Имомов бо доктор Абдуллоҳ Абдуллоҳ дар робита ба таҳаввулоти ахир дар шимоли он, кишвар сӯҳбат кардааст.

Ба гуфтаи манбаъ, дар ин мулоқот дар мавриди таҳаввулоти ахир дар вилояти Кундуз, вазъияти беҷошудагон ва ибрози ташвиш аз ҷониби сафири Тоҷикистон аз тарафи террористони мустақар дар вилояти Кундуз ва расидани доманаи ҷанг ва хушунат ба марзи миёни ду кишвар баҳсу баррасӣ сурат гирифтааст.

Мулоқоти сафири Тоҷикистон дар Кобул бо ин мақоми баландпояи ҳукумати Афғонистон дар робита ба вазъи амниятӣ дар шимоли Афғонистон дар ҳолест, ки ҳамакнун даргириҳои шадид дар шаҳри Кундуз ва манотиқи дигари шимоли Афғонистон идома доранд.

Мақомоти вазорати умури хориҷии Тоҷикистон рӯзи 6 октябр гуфтанд, ки бар асари даргириҳо дар Кундуз, бинои консулгарии Тоҷикистон осеб дида ва ҳамакнун ба таври муваққатӣ фаълияти худро қатъ кардааст.

Аз сӯи дигар, чанд рӯз пеш Абдурауф Иброҳимӣ, раиси парлумони Афғонистон ва намояндаи Кундуз дар маҷлиси он кишвар, аз вазорати умури муҳоҷирони он кишвар хостааст, ки дар ҳамкорӣ бо Дафтари умури муҳоҷирони Созмони Милали Муттаҳид заминаи зиндагиро барои он афроде, ки аз Имом Соҳиб ба ҷангалҳои наздики дарёи Ому интиқол дода шудаанд, мусоид созанд ё онҳоро ба хоки Тоҷикистон интиқол диҳанд.

Абдурауф Иброҳимӣ ин матлабро рӯзи 1-уми окябри зимни як нишасти хабарӣ дар шаҳри Кобул баён дошт. Раиси парлумони Афғонистон гуфт, пас аз он, ки нерӯҳои амниятии афғон аз Имом Соҳиб ақибнишинӣ карданд, мардуми ин ноҳия фирорӣ шуданд ва шумори зиёде аз онҳо, ки дар миёнашон занон ва кӯдакон ҳастанд, тариқи киштӣ ба яке аз ҷангалҳо дар наздикии дарёи Ому дар марз бо Тоҷикистон интиқол ёфтаанд.

Шаҳри Кундуз, ки рӯзи душанбеи 28 -уми сентябр ба тасарруфи Толибон даромад, як қисматаш танҳо пас аз се рӯз аз сӯи нерӯҳои амниятии Афғонистон бозпас гирифта шуд. Тибқи иттилои вазорати дифои Афғонистон, дар ҷараёни амалиёти нерӯҳои афғон 150 мухолифи мусаллаҳ кушта шуда ва 90 тани дигар захмӣ шудаанд. Даргириҳо ҳамакнун дар қисматҳои ҷудогонаи шаҳри Кундуз идома дорад.

«Озодӣ»

 



Назари Шумо

Security code
навсозӣ

sultoni-qalbho
askshoi-khotiravi