ВАЗИРИ УМУРИ ХОРИҶАИ ЭРОН БАРОИ МУЗОКИРОТ БО МАҚОМОТИ РУСИЯ ВОРИДИ МАСКАВ ШУД

Алиакбари Солеҳӣ, вазири умури хориҷаи Ҷумҳурии Исломии Эрон, шомгоҳи сешанбе барои анҷоми дидори ду рӯза ва музокирот бо мақомоти Русия дар хусуси равобити дуҷониба ва масоили муҳими минтақавӣ ва байналмилалӣ вориди Мoскав шуд.

Тибқи хабаргузории «Ирно», Солеҳӣ дар ин сафар қарор аст бо Сергей Лавров, вазири умури хориҷаи Русия дар иртибот бо мавзуъоти мавриди алоқаи ду кишвар, дидор ва музокира кунанд.

Ин сафар ба даъвати ҳамтои русии Солеҳӣ, вазири умури хориҷаи Эрон ва ба манзури баррасии равобити дуҷониба ва низ ҳамкориҳои густардаи ду кишвар дар арсаи равобити байналмилалӣ ва масоили ҷаҳонӣ сурат мегирад.

Дидор бо вазири умури хориҷа ва Николай Патрушев – дабири шӯрои амнияти Русия ва ҳамчунин суханроние дар академияи дипломатикаи вобаста ба вазорати умури хориҷаи Русия аз барномаҳои сафари кории ду рӯзаи вазири умури хориҷаи Ҷумҳурии Исломии Эрон ба ин кишвар эълом  шудааст.

Сухангӯи вазорати умури хориҷаи Русия, дар бораи сафари вазири умури хориҷаи Эрон ба Мoскав ва музокира бо Сергей Лавров ҳамтои русӣ вай изҳор дошт: «Дар ин музокирот, масоили минтақавӣ ҷойгоҳи муҳиме хоҳад дошт».

Вай ибрози умедворӣ кард, ки дар ин дидор дар бораи вазъи минтақаи Осиёи Марказӣ, Қафқоз, баҳри Хaзaр, вазъи Афғонистон, авзоъи минтақаи Ховари Миёна ва Шимоли Африқо мавриди баррасӣ қарор гирад.

«Рӯзгор»