Чемпионати ҷаҳонии футбол 1938

Пас аз Чемпионати ҷаҳонии соли 1934 дар Итолиё, саволе ба миён омад: Оё касе метавонад қувваи итолиёвиҳоро шикаст диҳад? Ҷавоб дар Чемпионати сеюм дар Фаронса дода шуд. Ин мусобиқа аз 4 то 19 июни соли 1938 дар 10 варзишгоҳи 9 шаҳри Фаронса доир гардид. Аммо он на танҳо саҳифаи нави варзиширо, балки саҳифаи печидаи таърихи ҷаҳониро низ кушод, зеро ин охирин мусобиқа пеш аз Ҷанги Дуюми Ҷаҳонӣ буд.

Пас аз иштирок накардани Уругвай, бисёре аз кишварҳои Амрикои Лотинӣ низ ширкат накарданд. Сарфи назар аз ин, Чемпионати ҷаҳон бо симои нав оғоз ёфт.

Дар маҷмӯъ 15 даста иштирок карданд. Дар ин миён, Австрия пас аз ҳамроҳшавӣ ба Олмони Натсистӣ натавонист дар бозӣ ширкат кунад ва қуръа бо 15 даста гузаронида шуд.

Натиҷаи бозиҳо дар саросари ҷаҳон дар бисёр ҷойҳо шок эҷод кард: дар 18 бозӣ 84 гол зада шуд. Дар натиҷа, Италия бори дувум пай дар пай ғолиб омада, дар варзишгоҳи "Stade Olympique de Colombes"-и Париж Венгрияро бо ҳисоби 4:2 шикаст дод.

Италия на танҳо аввалин дастае гардид, ки унвони худро ҳимоя кард, балки ин корро таҳти роҳбарии собиқадори намоён, Витторио Поццо, анҷом дод. Поццо то ҳол ягона мураббиест, ки дар таърих ду маротиба пай дар пай Ҷоми ҷаҳонро ба даст овардааст.

Дар шаби финал, итолиёвиҳо телеграммае гирифтанд, ки гӯё аз Муссолини буд ва дар он омада буд: "Бурд ё бимир!" Голзан беҳтарини мусобиқа, Леонидас, ки бо номи "Алмосҳои Сиёҳ" маъруф буд (7 гол), аз ҷониби роҳбари Бразилия дар нимфинал истироҳат дода шуд, аммо Бразилия 1:2 бохт.

Баъди ин ғалаба, вазъи ҷаҳон тағйир ёфт. Соли 1939 Ҷанги Дуюми Ҷаҳонӣ оғоз ёфт. Чемпионатҳои солҳои 1942 ва 1946 бекор карда шуданд. Италия қариб 16 сол чемпион монд.

Имрӯз, ҳангоми назар ба таърихи чемпионати соли 1938, мо Италия-ро мебинем. Чемпионати сеюм исбот кард, ки Ҷоми ҷаҳон на танҳо як бозӣ, балки ҳамчун як ҳодисаи ҷаҳонӣ метавонад ҷанбаҳои таърихи сиёсии инсониятро нишон диҳад.

"Рӯзгор”