МУЗОКИРОТИ САРОНИ БРИТОНИЁ ВА АМРИКО ОИДИ АФҒОНИСТОН

Дафтари Девид Камерон, нахуствазири Бритониё эълом карда, ки вай ва Барак Обама, раиси ҷумҳурии Амрико, ҳар ду моиланд теъдоди нерӯҳои ду кишварро дар Афғонистон коҳиш диҳанд. Аммо раҳбарони Бритониё ва Амрико ҳамчунон муътақиданд, ки ду кишвар бояд нақше баландмуддат дар омӯзиши нерӯҳои афғон дошта бошанд.

Девид Комерон ва Барак Обама дар ҳошияи иҷлоси сарони ҳашт кишвари санъатии ҷаҳон, ки дар Конодо дар ҷараён аст, дар ин бора суҳбат карданд. Нахуствазири Бритониё пештар гуфта буд, ки мехоҳад нерӯҳои кишвараш зарфи панҷ соли оянда, яъне то замони интихоботи умумии соли 2015 Афғонистонро тарк кунанд. Вай ибрози умедворӣ кард, ки афғонҳо битавонанд то он замон идораи умури амниятии кишварашонро ба даст бигиранд.

Бритониё дар ҳоли ҳозир ҳудуди даҳ ҳазор нерӯ дар Афғонистон дорад, ки аз ин лиҳоз дувумин кишвари ҷаҳон ва баъд аз Амрикост. Ин аввалин бор аст, ки нахуствазири Бритониё ба як ҷадвали замонӣ дар мавриди хориҷ сохтани нерӯҳои ин кишвар аз Афғонистон ишора мекунад.

Абатта ӯ гуфт ин як ҷадвали замонии қатъӣ нест ва мақомҳои бритониёӣ таъкид кардаанд, ки ин кишвар дар ин маврид бо Амрико ихтлиофи назар надорад. Марк Мардел, сардабири Би-би-сӣ дар умури Амрикои Шимолӣ мегӯяд ҳузури нерӯҳои эътилофи байналмилалӣ дар Афғонистон, аз муҳимтарин масоил дар сиёсати Амрикост ва оқои Камерон бо тарҳи ин мавзӯъ вориди умқи ин моҷаро шудааст.

Барак Обама қарор аст авохири соли ҷории мелодӣ мавзӯъи афзоиши нерӯҳои Амрикоӣ дар Афғонистонро бознигарӣ кунад. Убомо гуфтааст мехоҳад то тобистони соли оянда раванди хориҷ шудани нерӯҳои Амрикоӣ аз Афғонистонро оғоз кунад, аммо ҳаргиз ба ин мавзӯъ ишора накарда, ки бахши аъзами нерӯҳои Амрикоӣ чи мавқеъ Афғонистонро тарк хоҳанд кард.

Женерол Девид Петриус, вармондеҳи нерӯҳои НОТУ ва эътилоф дар Афғонистон, ки ҳамин ҳафта ҷонишини женерол Мак Кристал дар ин симмат шуд, аз ҷумлаи афроде аст, ки муътақиданд дар ин маврид бояд бар асоси вазъият ва шароити Афғонистон тасмимгирӣ кард.

Марк Мардел мегӯяд женерол Петриус ҳафтаи оянда дар Сенои Амрико ҳозир мешавад ва намояндагон ин суолро аз ӯ хоҳанд пурсид, ки оё агар дар ҷанг пирӯз нашаванд, барномаи хуруҷи нерӯҳо ҳамчунон амалӣ хоҳад шуд ё на? Оё ӯ тақозои нерӯи бештар ба Афғонистон хоҳад кард ё на? Ва оё мумкин аст замоне бирасад, ки натиҷа гирифта шавад истротежии феълии Амрико дар Афғонистон шикаст хӯрда?