САФОРАТИ ИМА БА ХОДИМОНИ ПОЛИС ВА ФАРЗАНДОНИ ОНҲО ЗАБОНИ АНГЛИСИРО ДАРС МЕДИҲАД
Дафтари сафорати ИМА оид ба назорати маводи мухаддир ва ҳифзи тартиботи ҳуқуқӣ дар ҳамкорӣ Зе Эмерҷенс Груп курсҳои омӯзиши забони англисиро барои муаллимони Маркази таълимии Вазорати корҳои дохилӣ ва фарзандони онҳо ба роҳ монд.
Дар зарфи се моҳ 26 нафар шунавандаи ин курс сарфу наҳв, ҳусни хат, хониш, нутқ, талаффуз, фаҳмидани нутқи шифоҳӣ ва луғати забони англисиро омӯхтанд. Барномаи Сафорати ИМА оид ба назорати маводи мухаддир ва ҳифзи тартиботи ҳуқуқӣ ба мардуми Тоҷикистон аз соли 2003 барои дастгирии соҳаҳои амният ва адлия беш аз 52 миллион доллари ИМА сарф намудааст.
«Рӯзгор»