САФОРАТИ АМРИКО ШИНОХТАНИ ҲУҶҶАТҲОИ ҚАЛБАКИРО ТАЪЛИМ МЕДИҲАД
Сафири ИМА Кен Гросс 16 корманди Вазорати умури дохила ва Кумитаи давлатии амнияти миллиро бо хатми курси ташхис кардани ҳуҷҷатҳои қалбаки махсус табрик намуд. Дар нутқи худ Сафир Гросс қайд намуд, ки Иёлоти Муттаҳидаи Амрико муносибатҳои аълои худро бо Ҳукумати Тоҷикистон қадрдонӣ намуда умедвори ҳамкориҳои давомдор ва дастовардҳои умумӣ аст.
Афсарони мақомоти ҳифзи ҳуқуқ ташхис кардани тавсифҳои ҳуҷҷатҳои таъғирёфта, сохташуда ё дигар ҳуҷҷатҳои қалбакии мусофиронро омӯхтанд. Ҳамчун ташхис кардани рафтори мусофири шубҳаовар, ё маълумоти нодурусти ки мусофир пешниҳод мекунад, низ ба онҳо омӯзонда шудааст.
Сафир Гросс изҳор намуд, ки ташхис кардани ҳуҷҷатҳои қалбакӣ яке аз корҳои асосии идоракунии назорати сарҳадӣ ва пойсутуни муборизаи давлати Тоҷикистон дар муқобили терроризм ва нашъамандӣ мебошад. Афсарони хати пеши сарҳад, амният ва милитсия бояд аз ӯҳдаи мамоният кардани даромадани террористҳо ва ҷинояткорон дар Тоҷикистон бароянд. Аз дигар тараф фаъолияти онҳо бояд воридшавии мусофирони ҳаққониро ба хоки Тоҷикистон осон кунад.
Курси омӯзишии ташхис кардани ҳуҷҷатҳои қалбакӣ дар соли 2011 дуввумин курси кӯмакдиҳӣ ба мубориза алайҳи терроризм (АТА) мебошад, ки аз ҷониби идораи амнияти минтақавии Сафорати ИМА маблағгузорӣ шудааст. Аз соли 2002 ба ин тараф беш аз 400 мансабдори мақомоти мухталифи Ҳукумати Тоҷикистон дар чорабиниҳои омӯзишӣ ширкат варзиданд, ки аз ҷониби АТА ба ҳисоби беш аз 6 миллион доллар маблағгузорӣ шудааст.
Аз соли 1993 инҷониб халқи Амрико барои барномаҳои кӯмакдиҳандае, ки рушди иқтисод, ниҳодҳои демократӣ, соҳаҳои тандурустӣ, маориф ва амнияти Тоҷикистонро дастгирӣ мекунанд, беш аз 984 миллион доллар масраф намудааст.
«Рӯзгор»
