ҶОЙГОҲИ ТУРСУНЗОДА ДАР САРНАВИШТИ ФАРҲАНГУ АДАБИ ТОҶИК

7 июни соли ҷорӣ дар Китобхонаи миллии Ҷумҳурии Тоҷикистон  конфронси илмӣ дар мавзӯи «Ҷойгоҳи устод Мирзо Турсунзода дар сарнавишти фарҳангу адаби тоҷик» баргузор гардид.

Дар ин конфронс вазири фарҳанги ҷумҳурӣ Мирзошоҳрух Асрорӣ зикр намуд, ки Устод Турсунзода бидуни шак яке аз барҷастатарин, пуртаъсиртарин шоир, шахсияти сиёсӣ ва адабии рӯзгори мо буд, ки бо осор ва ашъори ҷаззобу пурмӯҳтавояш, ҳангоми сафарҳои расмӣ ва эҷодияш ба кишварҳои дуру наздик, ном, зебоии табиат ва фарҳанги тоҷиконро ба кишварҳои дигар муаррифӣ кардааст.

Дар конфронс доктори илмҳои филологӣ А. Маҳмадаминов дар мавзӯи «Андешаҳои М. Турсунзода оид ба аввлин асари адабиётшиносии Айнӣ», академик М. Диноршоев  дар мавзӯи «Ватанпарварӣ - меҳвари ашъори Турсунзода», номзади илмҳои филология Валӣ Самад дар мавзӯи «Қафқоз аз назари М. Турсунзода», директори Китобхонаи миллӣ Ш. Тошев дар мавзӯи «М. Турсунзода дар библиографияи тоҷик» баромад намуданд.