ХУНИНТАРИН РӮЗ БАРОИ НАТО ДАР АФҒОНИСТОН

Дирӯз хунинтарин рӯзи моҳи равон барои нирӯҳои НАТО дар Афғонистон буд.

8 сарбози НАТО, бо шумули 7 амрикоӣ, бар асари як таркиши сангини бомб дар улусволии Шорабаки Қандаҳор кушта шуданд. Дар ин ҳамла, ки масъулияташро Толибон ба дӯш гирифт, 2 пулиси афғон низ ҷон бохта, 2 тани дигар захмӣ шудаанд. Як ходими дигари НАТО дирӯз дар натиҷаи суқути чархбол дар шарқи Афғонистон ҳалок шудааст.