ҚАТЛИ ЯК ТОҶИРИ ТОҶИК ДАР РУСИЯ

Расонаҳои Русия гузориш додаанд, ки Шуҳрат Ҳамроқулов, тоҷири тоҷик рӯзи чаҳоршанбеи 17 ноябр дар шаҳри Екатеринбурги Русия кушта шудааст. Оқои Ҳамроқулов ҳангоме ки бо ду писар ва хонумаш дар соъоти бомдодӣ аз манзилаш берун мешуд, бо зарби гулулаи фарди номаълуме аз пой даромад.

Гуфта шудааст, ки фарди муҳоҷим дар рӯи худ ниқоб дошт ва пас аз ҳамла маҳалли ҳодисаро тарк кардааст. Бархе аз расонаҳои Русия оқои Ҳамроқуловро табаъаи Тоҷикистон хондаанд. Гуфта мешавад эҳтимолан ангезаи ҳамла ба ин тоҷир фаъолияти тиҷоратии ӯ будааст. Ӯ аз кишварҳои Осиёи Миёна ба вилояти Свердловски Русия меваҷот ворид мекардааст. Раёсати умури дохилаи вилояти Свердловск дар мавриди қатли оқои Ҳамроқулов парванда боз карда ва таҳқиқотро оғоз кардааст.