Мулоқоти Зафар Сайидзода бо роҳбари Раёсати Ҷамъияти россиягии "Дониш" Иван Попп

Консули генералии Ҷумҳурии Тоҷикистон дар шаҳри Екатеринбург бо сардори Раёсати Ҷамъияти россиягии "Дониш" оид ба рушди Ҳавзаи федералии Урали Россия мулоқот намуд.

30 декабри соли 2024 Консули генералии Ҷумҳурии Тоҷикистон дар шаҳри Екатеринбург Зафар Сайидзода бо роҳбари Раёсати Ҷамъияти россиягии "Дониш" оид ба рушди Ҳавзаи федералии Урали Россия Иван Попп мулоқот намуд.

Мусоҳибон ҳамдигарро бо фарорасии Соли нави 2025 самимона табрик карданд.

Натиҷаҳои ҳамкорӣ дар соли 2024, ки пурмаҳсул ва пурбор буданд, ҷамъбаст гардиданд.

Иван Попп ба дипломати тоҷик барои пуштибонии пружаи муҳими фарҳангию маърифатии сатҳи байналмилалӣ бо номи «80-солагии Ғалабаи умумии мо дар Ҷанги Бузурги Ватанӣ», ки ба ҳифзи хотираи таърихӣ ва зидди сохтакориҳои таърих нигаронида шудааст, изҳори сипос кард.

Ба ҳамкории минбаъдаи созанда ба хотири рушди фаъолияти маърифатӣ ва паҳн намудани донишҳои дақиқу боэътимод омодагии ҷонибайн изҳор шуд.