Ба зиёда аз 1000 шаҳрванди ҷумҳурӣ иҷозаи вуруди дубора ба РФ дода шуд

Зиёда аз 1000 нафар шаҳрванди ҷумҳурӣ иҷозаи дубора ба Русия рафтанро дарёфт намуд. Аз ҷумла, ба 190 нафар донишҷӯёне, ки дар омўзишгоҳҳои ФР таҳсил менамуданд, бо кумак ва мусоидати вазири меҳнат, муҳоҷират ва шуғли аҳолии ҶТ Сумангул Тағойзода, роҳбари Хадамоти федералии муҳоҷирати Русия Константин Ромодановский ва сардори Хадамоти муҳоҷират Тоҳир Каримзода ин имтиёз дода шуд.

Бино ба иттилои сухангӯи Хадамоти муҳоҷират Абдуллоҳи Қодирӣ, 2 июл ба унвони Хадамоти муҳоҷирати Вазорати меҳнат, муҳоҷират ва шуғли аҳолӣ мактуби расмӣ аз ҷониби Хадамоти федералии муҳоҷирати Русия ворид гардид.

Бино ба гуфтаи сарчашма, гуфтушунидҳо бо ҷониби Федератсияи Русия дар самти муҳоҷирати меҳнатӣҷиҳати ҳалли масъалаҳои муҳоҷирон ва аз руйхати мамнуъшудагон баровардани онҳо идома дошта, шаҳрвандон метавонанд аз рўйи 5 категория (табақа) ба Хадамоти муҳоҷират муроҷиат намоянд.

Барои бартараф кардани мушкилоти муҳоҷирони меҳнатӣ - шаҳрвандоне, ки воридшавии онҳо ба ФР манъ шудааст, Вазорати меҳнат, муҳоҷират ва шуғли аҳоли ҶТ дар якҷоягӣ бо Хадамоти федералии муҳоҷирати Русия гурўҳи экспертӣ ташкил карда, аз рўйи 5 табақа шаҳрвандон аз рўйхати манъшудагон озод мешаванд.