10:07:37 24-уми Апрели 2019 сол
Ahmad Zahir - banner 2015
 
 youtube-ruzgor-2014


Qissahoi hijrat - 2015
 
1-Ruzgor_Plast_2016.jpg
 

Тақвим

<< < Апрел 2019 > >>
Дш Сш Чш Пш Ҷм Шб Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Ҷанги ду авлод дар Қумсангир: як куштаву се захмӣ

Дар пайи ҷанги ду хонавода дар деҳаи Маданияти ҷамоати деҳоти "Ваҳдати миллӣ"-и ноҳияи Қумсангир дар ҷануби Тоҷикистон, як нафар кушта ва чаҳор тани дигар захмӣ шудаанд.

jangi-du-avlod-451254.jpgДар як муноқишаи байни ду авлод дар ноҳияи Қумсангир як марди 51-сола кушта шудааст. Аз гурӯҳи ҳамлагар, ки зоҳиран хонаводаи Муҳриддиновҳо буданд се нафар боздошт шуда, феълан дар боздоштгоҳи муваққатӣқарор доранд ва мақомот онҳоро бозпурсӣ мекунанд.

Назаралӣ Абдусаломов, муовини раиси ноҳияи Қумсангир рӯзи чоршанбеи 1 июл дар сӯҳбат бо мо хабари ҷанги ду хонаводаро тасдиқ кард ва гуфт, ки мақомоти қудратӣ ба тафтиши ҳодиса шурӯъ кардаанд. Ҷанги гурӯҳӣ бо ширкати 100 намозгузор ва 50 ҳамлагар шаби 28 июн баъди анҷоми намози таровеҳ дар саҳни масҷид рух додааст.

Ҳуҷумкунандаҳо аз миёни 100 намозгузори масҷид, ки баъди таровеҳ ба хонаҳои худ роҳӣ буданд, ба Хисрав Муҳаммадови 63-сола, муаззини ин масҷид ҳамла карда ба сараш бо оҳан куфтанд ва ӯро аз пой афтоданд. Муҳаммадов дар роҳ ба сӯи бемористон ҷон додааст. Дар ҷараёни занозанӣ се писари Хусрав Муҳаммадов ва як бародарзодааш захмҳои мухталиф бардошта, дар бемористони ноҳияи Қумсангир бистарӣ шуданд.

Шокир Сайдмуҳиддинов, раиси маҳаллаи Маданият, ки дар вақти сар задани ин ҳодиса дар масҷид будааст, дар сӯҳбат ба мо гуфт, ки зарардидаҳо Сулаймон, Аминҷон ва Ҳасан ва Муъминҷон Муҳаммадовҳо буданд. Шокир Саймуҳиддинов мегӯяд, "Ин ду хонавода миёни худашон як муноқиша доштанд, дар ин ҳодиса чор нафар захмӣ шудаанд. Як нафараш, ки ҷоғаш ва дигаре дасташ шикастааст, дар бахши махсуси беморхона мебошанд. Ин ду хонавода ба якдигар талаб гузоштанд, ки бояд яке аз онҳо аз деҳа баромада равад, ҳоло намедонем, ки оқибати ин кор чӣ мешавад."

Сокинони деҳаи Маданият, ки шоҳиди ҳодиса буданд, мегӯянд, азбаски ҳамлагарон бо чӯбу оҳан мусаллаҳ буданд, онҳо ҷуръат накарданд, ки онҳоро аз ҳам халос кунанд. Бо ин ҳам пулис аз сокинони деҳаи Маданият баёнот гирифтааст. Додарҷон Муҳаммадови 34-сола, яке аз 7 писари Хисрав Муҳаммадов ба мо гуфт, ки ҷанҷол дар пайи хусумати кӯҳнаи ду хонаҳода сар задааст.

"Сабабаш ин аст, ки соли гузашта як писари амакам бо бачаҳои хонаводаи Муҳриддинов футболбозӣ карда буд. Футбол ба ҷанг печид ва боиси кинаи ду хонавода шуд. Дар Рамазони имсола бошад, муаззини масҷид, Хисрав Муҳаммадов, ҳамоне, ки кушта шуд, ҳангоми рӯзакушоӣ ба табақи хонаводаи Муҳриддиновҳо гӯшти кам гузошт. Ин бор гӯшти кам боиси хархаша дар байни ду тараф шуд ва саҳари дигар хонаводаи Муҳриддинов дар намози бомдод аз мо талаб карданд, ки аз деҳа баромада равем, вагарна моро мекушанд. Бовар накардем, фикр кардем, ки асабӣ шудаанд. Бегоҳӣ навбати хӯрок аз мо буд, ки отала бурдем, вале онҳо набуданд, тоза намозро шурӯъ кардем, ки онҳо оҳиста - оҳиста омаданд. Дар миёни онҳо як нафар хешовандашон, ки пулис буд ва Умар ном дошт, падарамро зада кушт"- иддао кард Додарҷон Муҳаммадов.

Додарҷон мегӯяд, ӯ низ аз зарби калтак осеб дид ва натавонист падарашро муҳофизат кунад, зеро тарафи ҳамлагар бо занҷиру арматур ва калтак мусаллаҳ буд.

Аз беморхонаи ноҳияиҚумсангир низ иттилоъ додаанд, ки чаҳор маҷрӯҳи ин задухӯрд таҳти назорати духтурон қарор доранд. Ба гуфтаи масъулони беморхонаи Қумсангир, як нафар, ки ҷоғаш шикастааст, дар бахши эҳёгарӣ ё реаниматсия нигаҳдорӣ мешавад. Пулиси ноҳияи Қумсангир, бо баҳонаи дар тафтиш будани қазия аз додани маълумот дар бораи ин ҳодиса, ки дар он як нафар кушта ва чаҳор тани дигар захмӣ шудаанд, худдорӣ кард.

Зимнан, гурӯҳе, ки ба хонаводаи Муҳаммадовҳоҳамла кардаанд, бародарон Мақсуд, Баҳромиддин ва Анвар Муҳиддиновҳо будаанд, ки ҳоло дар боздошт қарор доранд. Дар баробари бародарон пулис даст доштани аъзои дигари хонавода, корманди пулис Умар Муҳриддиновро бозҷӯӣ мекунад, вале ӯ то ҳол боздошт нашудааст.

Ба гуфтаи сокини деҳаи Маданияти ҷамоати деҳоти "Ваҳдати миллӣ"-и ноҳияи Қумсангир, ин ду хонаводааз табақаи миёнаҳол буда, зоҳиран даъвои моливу пулӣ надоштанд. Аз як баҳси сода сар задани хусумат дар миёни ин ду хонаводаро раиси ноҳия Фотеҳ Аминзода низ тасдиқ кард ва ба хотири ҷиливгирӣ аз паёмаде бо ин ду хонавода сӯҳбат анҷом дод.

«Озодӣ»



Назари Шумо

Security code
навсозӣ


RuzgorPlast-banner 1