ҲУШДОРИ ҚАЗЗОФӢ БА ҒАРБ: ШУМОРО ШИКАСТ МЕДИҲЕМ

Муаммар Қаззофӣ, раҳбари Либӣ ҳамалоти эътилофи байналмиллалӣ ба хоки кишварашро террурисм хонда ва гуфта, ки ин ҳамалот бо шикаст мувоҷеҳ хоҳад шуд. Телевизиюни давлатии Либӣ субҳи имрӯз (якшанбеи 20 март) суханронии сарҳанг Қаззофиро пахш кард. Раҳбари Либӣ ҷилави дурбин ҳозир нашуд.

Ӯ гуфт тамоми мардуми Либӣ мусаллаҳ шудаанд ва омодаи ҷанги тулонӣ барои ҷилавгирӣ аз кунтрули нафти Либӣ тавассути қудратҳои ғарбӣ ҳастанд. Раҳбари Либӣ гуфтааст нерӯҳои ғарбӣ ҳақ нидоранд ба Либӣ ҳамла кунанд, чун ин кишвар коре накардааст. Суханронии оқои Қаззофӣ др ҳоле анҷом гирифта, ки Амрико ва Бритониё рӯзи шанбе бештар аз яксад мушаки круз ба суи мавозеъи артиши Либӣ шиллик карданд. Ҷангандаҳои фаронсавӣ ва бритониёӣ ҳам ба пойгоҳҳои дифоъи ҳавоӣ ва баъзе аз ягонҳои заминӣ ҳамла карданд.

Ин ҳамалот бо вокунишҳое рӯбарӯ шуда ва Чин аз ҳамлаи ҳавоӣ ва мушакии эътилофи байналмиллалӣ ба мавозеъи артиши Либӣ ибрози таассуф кардааст. Ҷйонг Йу, сухангӯи вазорати хориҷаи Чин рӯзи якшанбе бо судури баёнияе эълом кард Пекан бо корбурди нерӯи низомӣ дар равобити байналмиллалӣ мухолиф аст.

Олан Жупа, вазири хориҷаи Фаронса гуфтааст ин ҳамалот то замоне, ки нерӯҳои сарҳанг Қаззофӣ ба ғайринизомиён ҳамла кунанд,идома хоҳад дошт. Ӯ хоҳони ақибнишинии нерӯҳои раҳбари Либӣ шуда ва гуфтааст ӯ бояд ба мардуми кишвараш иҷоза диҳад то хостаҳои демукротики худро баён кунанд.

Ҳамалот ва вокунишҳо

Шабакаи хабарии СиБиЭси Амрико аз ҳамлаи се фарванд бумбафкани родоргурези B-52 - ин кишвар ба як пойгоҳи ҳавоии аслии Либӣ хабар дод. Ин ҳамалот барои водор кардани ҳукумати Муаммар Қаззофӣ барои таваққуфи ҳамалоти сангини низомӣ алайҳи мухолифон сурат гирифт. Телевизиюни давлатии Либӣ аз кушта шудани 48 нафар дар ҳамалот хабар додааст.

Сухангӯи вазорати хориҷаи Чин дар баёнияи худ ибрози умедворӣ кард оромиш ба зудӣ ба Либӣ баргардад ва муноқиша густариш пайдо накунад. Давлати Русия бо судури баёнияе аз оғози амалиёти низомӣ дар Либӣ ибрози таассуф кардааст. Русия монандаи Чин ва Олмон ба дувумин қатъномаи Шурои Амният барои эҷоди минтақаи мамнуъаи парвозӣ бар фарози Либӣ раъйи мумтанеъ дода буд.

Муаммар Қаззофӣ, раҳбари Либӣ пас аз ҳамалоти рӯзи шанбе эълом кард кулли минтақаи Медитарона ва Шимоли Офриқо ба минтақаи ҷангӣ табдил шудааст ва ғайринизомиён ва аҳдофи низомӣ мавриди ҳамла қарор гирифтаанд. Либӣ ҳамчунин эълом кард қатъномаи 1973 Шурои Амниятро дигар ба расмият намешиносад. Ҳамзамон Иттиҳодияи Офриқо хоҳони таваққуфи фаврии ҳамаи ҳамалот дар Либӣ шудааст.

Ҳугу Човез, раиси ҷумҳурии Венезуэло ҳам бо интиқоди шадид аз Ғарб ҳадаф аз ҳамла ба Либиро тасаллут бар манобеъи нафтии ин кишвар эълом кардааст. Борок Убомо, раиси ҷумҳурии Амрико рӯзи шанбе эълом кард иллати ҳамла ба Либӣ ин буд, ки гузинаи дигаре барои дифоъ аз ғайринизомиён дар ин кишвар боқӣ намонда буд. Жопун аз иқдоми низомӣ алайҳи ҳукумати Либӣ ҳимоят кардааст. Давлати ин кишвар рӯзи якшанбе аз Муаммар Қаззофӣ хост "тасмимгирии дурустро" анҷом диҳад.

Оғози ҳамла

Вазорати дифоъи Иёлоти Муттаҳида эълом кард нерӯи дарёии Амрико ва Бритониё беш аз 110 мушаки круз ба ҳадди ақал 20 маркази низомии Либӣ, ки аксари онҳо дар савоҳили шимолии Либӣ воқеъанд, шиллик кардаанд. Як мақоми низомии Фаронса низ рӯзи шанбе таъкид кард, ки ҷангандаҳои ин кишвар чанд тонк ва худрави зиреҳии нерӯҳои давлатиро дар наздикии шаҳри Бенғозӣ дар шарқи Либӣ нобуд кардаанд.

Пентогун мегӯяд дар кулл 25 киштии низомии кишварҳои эътилофи алайҳи Либӣ аз ҷумла се зердарёии Амрикоӣ дар Медитарона мустақар шудаанд. Хабаргузории Руйтерз ба нақл аз як мақоми Шурои Амнияти Миллии Амрико аз осеби шадид ба системи падофанди ҳавоии Либӣ хабар дод. Телевизиюни давлатии Либӣ ҳам аз сарнагун шудани чанд ҳавопаймои ҷангандаи НАТО бар фарози ин кишвар хабар додааст. Ин гузориш аз сўи НАТО таъйид нашудааст.

Телевизиюни давлатии Либӣ ҳамчунин ба нақл аз артиши ин кишвар аз кушта шудани ҳадди ақал 48 нафар ва маҷруҳ шудани яксаду панҷоҳ нафар дар ҳамалоти рӯзи шанбе хабар дод. Ба гуфтаи артиши Либӣ бахши умдае аз талафот занон, кудакон ва афроди мусин ҳастанд. Телевизиюни ин кишвар тасвири аёдати мақомҳои ин кишвар аз чанд маҷруҳи ҳамалоти ҳавоиро нишон додааст.

Муаммар Қаззофӣ аз мардуми Либӣ хост, ки барои "инқилоб" худро мусаллаҳ кунанд бар муқобала бо таҳоҷуми "истисморгарони салибӣ" таъкид кард. Эътилофи Байналмиллалӣ гуфтааст мавозеъи артиш ва пойгоҳҳои падофанди ҳавоиро ҳадаф қарор додааст ва гузориши телевизиюни Либӣ аз суи манобеъи мустақил таъйид нашудааст. Хабаргузории Руйтерз ҳамчунин аз шунида шудани оташбории тупҳои зиддиҳавоӣ бар фарози Таробулус дар тули шаб хабар додааст.

"Амрико наметавонист хомуш бинишинад"

Борок Убомо, раиси ҷумҳури Амрико, ки дар Брозил ба сар мебурд дақоиқе пас аз оғози амалиёт эълом кард: "Имрӯз ман ба нерӯҳои мусаллаҳи Иёлоти Муттаҳида дастур додам, ки як амалиёти низомии маҳдудро дар Либӣ оғоз кунанд."

Оқои Убомо гуфт Амрико наметавонист хомуш бинишинад, дар ҳоле ки як диктотур мардуми худро таҳдид мекард, ки ба онҳо раҳм нахоҳад кард. Ӯ гуфт иллати ҳамла ба Либӣ фуқдони гузинаи дигаре барои дифоъ аз ғайринизомиёни ин кишвар буд. Пентогун мегӯяд дар марҳалаи аввал ҳадаф ҷилавгирӣ аз ҳамлаи нерӯҳои ҳукуматӣ ба мардуми ғайринизомӣ ва аз байн бурдани системи дифоъи ҳавоии Либӣ аст.

Вазорати дифоъи Амрико эълом кард, ки кумонду ба дохили Либӣ нафиристода ва ҳавопаймоҳои ин кишвар вориди осмони Либӣ нашудаанд. Бар асоси гузоришҳо Амрико бар аҳдофе, ки дар ҳаволии Таробулус, пойтахт ва шаҳри Мисрота воқеъанд, тамаркуз кардааст. Нови "ЮЭсЭс Монт Витний" ҳамалоти нерӯҳои Амрико ба Либиро ҳидоят мекунад. Девид Камерон, нахуствазири Бритониё низ гуфтааст, ки амалиёти нерӯҳои кишвараш дар Либӣ оғоз шудааст. Гузоришҳо ҳокист, ки ҳазорон нафар аз сокинони Бенғозӣ дар ҳоли фарор аз ин шаҳр ҳастанд.

Ҳилорӣ Клинтун, вазири хориҷаи Амрико рӯзи шанбе дар Порис пас аз музокира бо дабири кулли Созмони Миллалаи Муттаҳид, раҳбарони Фаронса, Бритониё ва низ намояндагони Иттиҳодияи Араб ва Созмони Паймони Отлонтики Шимолӣ (НАТО) поёни тамоми ҳамалот ба ғайринизомиёни либиёӣ ва таваққуфи пешравии нерӯҳои давлатӣ ба суи шаҳри Бенғозӣ, маркази аслии мухолифонро хоҳон шуд. Вай ҳамчунин бар хуруҷи нерӯҳои ҳукумат аз шаҳрҳои Мисрота, таъмини об, барқ ва гози тамоми навоҳии Либӣ ва мувофиқат бо ирсоли кумакҳои башардӯстона ба мардуми Либӣ таъкид кард.

Би-Би-Си