Шрёдер: Аврупо бояд робитаҳоро бо Маскав барқарор кунад
Герхард Шрёдер, садри аъзами пешини Олмон, ки аз соли 2017 раиси шӯрои мудирони ширкати бузурги нафтии Русия "Роснефт" буд, дар мусоҳиба бо рӯзномаи "Нью-Йорк Таймс" гуфт, Аврупо ба захираҳои Русия ниёз дорад.
Дар матлаб бо номи "Садри аъзами собиқе, ки дар Олмон одами Путин шуд" аз суханони Шрёдер оварда шудааст, ки дар инзиво гузоштани Федератсияи Русия ғайриимкон аст.
Шрёдер таъкид кард, ки саноати Олмон ба ашёи хоми аз Федератсияи Русия воридшаванда эҳтиёҷ дорад, зеро он на танҳо аз нафту газ, балки аз элементҳои нодири замин низ иборат аст. Ӯ мутмаин аст, ки чунин маводи хомро наметавон ба соддагӣ ҷойгузин кард.
Аз ин рӯ, сиёсатмадори собиқ ва ҳоло як менеҷери топи ширкати "Роснефт" бар ин назар аст, ки пас аз анҷоми амалиёти вижаи низомии Федератсияи Русия дар Украина Олмон низ мисли дигар кишварҳои аврупоӣ равобит бо Маскавро барқарор хоҳад кард. Ӯ гуфт: "Мо бояд ба ҳамкорӣ бо Русия баргардем. Мо ҳамеша ин корро анҷом медиҳем".
vesti.ru