МУЛОҚОТ БО РАИСИ ПАРЛУМОНИ ТУРКИЯ
Нимаи дуюми рӯз Президенти Ҷумҳурии Тоҷикистон Эмомалӣ Раҳмон бо Раиси Маҷлиси Бузурги Миллии (Парлумон)-и Ҷумҳурии Туркия Ҷемил Чичек мулоқот намуд. Дар мулоқот масоили ҳамкории байнипарлумонӣ ва дигар ҷанбаҳои муносиботи дӯстонаи Тоҷикистону Туркия баррасӣ шуд.
Ба нақши Гурӯҳи дӯстӣ ва ҳамкории байнипарлумонии Тоҷикистон ва Туркия, ки аз соли 2000-ум ба ин сӯ фаъолият дорад, баҳои баланд дода шуд. Ҳарду ҷониб ба густариши робитаҳои судманд ва омӯзиши таҷрибаи ҳамдигар ҳавасмандии худро таъкид доштанд.
President.tj
