КАРЗАЙ АКСҲОИ БАДРАФТОРӢ БО ҶАСАДҲОРО "ЗИШТ" НОМИД

Раисиҷумҳури Афғонистон, Ҳомид Карзай дар заминаи моҷарои аксҳо аз бадрафтории сарбозони амрикоӣ нисбати ҷасади афғонҳои кушташуда хостори интиқоли зудтари масъулиятҳои амниятии НАТО ба дӯши нерӯҳои афғон шуд.

Вай аксҳои нашршударо “зишт” номид ва гуфт, чунин моҷароҳо сабаби вокуниши хашини афғонҳо ва ҷомеаи ҷаҳонӣ мешавад.Ҳукумати Иёлоти Муттаҳида мегӯяд, амали чанд сарбози амрикоиро, ки ҳангоми бадрафторӣ бо ҷасади ситезҷӯёни эҳтимолии кушташудаи афғон аксбардорӣ шудаанд, “шадидан маҳкум” мекунад.

Вазири дифои Амрико, Леон Панетта дар нишасти хабарӣ дар Бруссел гуфт, ин аксҳо баёнгари ахлоқи сарбозони кишвараш нестанд. Вай ваъда дод, ки омилони бадрафторӣ муҷозот хоҳанд шуд.
«Озодӣ»