ЗАНЕ ДАР ДУШАНБЕ АЗ СОХТМОНИ 16-ТАБАҚАӢ УФТОД ВА ЗИНДА МОНД
Вазорати умури дохила (кишвар) хабар додааст, ки як сокини 42-солаи шаҳри Душанбе аз болои боми сохтмони 16-табақаи ба замин уфтода ва зинда мондааст. Бино ба иттилоъи ин вазорат ин хонум, ки дар яке аз бемористонҳои равонии шаҳр сабти ном шудааст, мехостааст худкушӣ кунад.
Бино ба иттилоъи пизишкон вазъи саломати ин хонум пас аз уфтодан аз баландии сохтмони 16-табақаӣ маргбор нест ва ҳатто осебҳое, ки дидааст хеле ҷиддӣ нестанд. Хабаргузории Интерфакс бо истинод ба пизишкон гузориш додааст, ки дар натиҷаи ин ҳодиса, ду пой ва ду дандаи (қабурға) ин хонум, ки номаш ифшо намешавад, шикастааст.
Ӯ ҳоло дар утоқи маъмулии яке аз бемористонҳои шаҳр бистарӣ шудааст. Гуфта мешавад, ки пас аз табобати осебҳои ҷисмӣ дар асари уфтодан аз боми сохтмони 16-табақаӣ ин зан ба бемористони равонӣ барои дармон мунтақил хоҳад шуд.
Би-Би-Си