ПРЕЗИДЕНТИ САЛИБИ СУРХ ДАР ХОРУҒ

Массимо Барра, президенти комиссияи байналмилалии доимии Салиби Сурх ва Ҳилоли Аҳмар, ҳангоми шиносоӣ бо кору фаъолияти Маркази мубориза бар зидди маводи мухаддири ВМКБ ва мулоқоташ бо рӯзноманигорон қайд намуд, ки мардуми шаҳри Хоруғ ва умуман Бадахшон дар фаъолияти худ дар ин самт корҳои зиёдеро анҷом дода бошанд ҳам, нашъамандӣ ҳанӯз ҳам хатари ҷиддие барои сиҳати омма арзёбӣ мешавад.

Рӯзи 12-и сентябр Массимо Барра бо ҳамроҳии Зафар Муҳаббатов, котиби генералии Ҷамъияти Салиби Сурх ва Ҳилоли Аҳмари Ҷумҳурии Тоҷикистон бо сафари корӣ ба Бадахшон омаданд. Онҳоро раиси ВМКБ Қодири Қосим ба ҳузур пазируфт. Сипас онҳо бо донишҷӯёни Донишгоҳи давлатии шаҳри Хоруғ як мулоқоте барпо карданд, ки дар он оиди пешгирии бемории СПИД ва муҳофизат аз он сӯҳбат намуданд.

Меҳмонон  ба навоҳии дигари вилоят сафар карда бо мардум сӯҳбату мулоқотҳои мушобеҳе анҷом медиҳанд.

Алишер Ҷунайдов, «Рӯзгор», Хоруғ