ДАР НАТИҶАИ ИНФИҶОР ДАР МАКАО 13 НАФАР МАҶРӮҲ ШУДАНД
Дар инфиҷоре, ки субҳи имрӯз, 26-уми июл, дар шаҳри Макао рух дод, дасти кам 13 нафар захмӣ шуданд, омадааст дар хабари хабаргузории "Синхуа".
Ин инфиҷор соати 7:00 субҳ ба вақти маҳаллӣ дар ресторани Маркази байналмилалии Макао (Centro Internacional De Macau) рух додааст. Бар асоси баъзе хабарҳо балони газ мунфаҷир шудааст. Тирезаҳои меҳмонхонаи маъруфи Golden Dragon, ки дар маҳали таркиш воқеъ аст, шикастаанд. Дар ҷои ҳодиса пулис ва хадамоти оташхомӯшкунӣ кор карда истодаанд.
Макао то соли 1999 колонияи Португалия ба ҳисоб мерафт. Ҳоло дар ҳайати Ҷумҳурии Мардумии Чин мисли Гонгонг як минтақаи худмухторро ташкил медиҳад. Қонун ва пули худро дорад. Даромади асосии ин минтақаи худмухтор аз ҳисоби қиморбозӣ мебошад.
Ҷаҳонгири Султон, «Рӯзгор»