ИНФИҶОР ДАР ШАҲРИ ОҚТЕППАИ ҚАЗОҚИСТОН

Бар асоси гузоришҳои расида аз Қазоқистон, дар наздикии сохтмони идораи амнияти шаҳри Оқтеппа, инфиҷоре рух дода ва чандин нафар захмӣ шудаанд. Маъмурони пулис бинои Кумитаи амнияти миллии Қазоқистон дар шаҳри Оқтеппаро таҳти иҳотаи худ гирифтаанд.

Бино ба иттилоъи бархе аз хабаргузориҳои маҳаллӣ, корҳои ҷустуҷӯйӣ барои боздошти афроди мазнун дар ҳодисаи инфиҷор шурӯъ шудааст. Дар амалиёти ҷустуҷӯй чархбол ё ҳеликуптерҳо низ ширкат доранд. Бино ба гузориши хабаргузории “Интерфакс-Қазоқистон”, инфиҷор аз ҷониби бумгузоре интиҳорӣ анҷом шудааст.