БОЗ ЯК ҚОЧОҚЧӢ ДАСТГИР ШУД

27 июн дар майдони ҳавоии пойтахт кормандони Агентии назорати маводи нашъадори назди Президенти Ҷумҳурии Тоҷикистон як нафар қочоқчии маводи нашъадорро дастгир карданд, ки мехост миқдори зиёди маводи нашъадорро дар меъдааш ба Русия барад.

Аз Агентии назорати маводи нашъадори назди Президенти Ҷумҳурии Тоҷикистон ба АМИТ «Ховар» хабар доданд, ки аз меъдаи сокини 23-солаи ноҳияи Варзоб 50 ғилофак бароварда шуд, ки вазни умумии бори он қариб 400 грам буд. Аз рӯи ин воқеа парвандаи ҷиноӣ кушода шуд ва тафтишот давом дорад.