Тоҷикистон ба маблағи 28,3 миллион доллар маҳсулоти асосии саноати хӯрокворӣ содирот намудааст

Тоҷикистон дар шашмоҳаи якуми соли равон ба хориҷи мамлакат дар ҳаҷми 28,3 миллион доллар маҳсулоти асосии саноати хӯрокворӣ содирот намудааст, ки нисбат ба ҳамин давраи соли 2024 1 миллион доллар ё 103,7 фоиз зиёд мебошад.

Вазири саноат ва технологияҳои нави Ҷумҳурии Тоҷикистон Шералӣ Кабир 6 август дар нишасти матбуотӣ ба хабарнигорон итиилоъ дод, ки маҳсулоти хӯрокворӣ асосан ба давлатҳои Русия, Қазоқистон, Олмон, Чин, Туркия, Узбекистон ва Гурҷистон содирот гардидааст.

Аз ҷумла, дар ин давра 45,1 ҳазор тонна меваи хушк, 16,2 ҳазор тонна нӯшокиҳои ғайриспиртӣ, 200,0 тонна боқимондаҳои саноати хӯрокворӣ, 185 тонна намак, 1,7 ҳазор тонна консерваҳои меваю сабзавотӣ, 140 тонна маҳсулоти қаннодӣ, 496 тона желатин ва 1,3 ҳазор тонна орди гандумӣ ба хориҷи мамлакат содирот карда шудааст.

Марзия САИДЗОДА, АМИТ «Ховар»