Мулоқоти муовини вазири корҳои хориҷӣ бо муовини дабири кулли ИДМ
13 майи соли 2025 муовини вазири корҳои хориҷии Ҷумҳурии Тоҷикистон Фаррух Шарифзода муовини дабири кулли ИДМ Нурлан Сейтимовро ба ҳузур пазируфт.
Дар рафти вохӯрӣ ҷонибҳо масъалаҳои омодагӣ ба ҷаласаи навбатии Шурои сарони ҳукуматҳои ИДМ (4-5 июни соли 2025, ш.Душанбе)-ро мавриди баррасӣ қарор доданд.
Ҳамзамон, роҷеъ ба масоили рӯзномаи ИДМ дар давраи раёсати Тоҷикистон дар соли ҷорӣ табодули афкор сурат гирифт.