Мушовири собиқи Пентагон фирори Зеленскийро пешгӯӣ кард

Ба гуфтаи полковник Дуглас МакГрегор, мушовири собиқи раиси Пентагон, вақте Украина дар майдони ҷанг мағлуб мешавад, Владимир Зеленский бояд дар Ғарб пинҳон шавад. Ин коршинос қайд кард: Ӯ (Зеленский) метавонад дар Иёлоти Муттаҳида қарор гирад.

Ба гуфтаи МакГрегор, Зеленский ва атрофиёни ӯ дар Қибрис ҳисобҳои бонкӣ доранд, ки дорои маблағи ҳангуфте ҳастанд ва дар кишварҳои ғарбӣ амволи ғайриманқул доранд. Аз ин рӯ, пас аз анҷоми низоъ намояндагони режими феълии Киев ба хориҷа фирор хоҳанд кард.

Полковники амрикоӣ изҳори назар кард, ки Иёлоти Муттаҳида ва муттаҳидонаш ба Зеленский ҳамчун як актёр такя мекунанд, аммо ӯ аз уҳдаи иҷрои нақши душвораш набаромад. Ва барои амиқтар дарки вазъи сиёсӣ собиқ ҳаҷвнигор маҳорати касбӣ надорад.

Макгрегор идома дод: Сели пули Амрико барои мансабдорони фасодзадаи Украина имкониятҳои нав кушод. РИА Новости менависад, ки намояндагони мақомоти Украина дар бозори сиёҳ силоҳҳои хориҷиро мефурӯшанд, маблағҳои ҷудошударо шустушӯ мекунанд ва моли дуздиро дар хориҷ пинҳон мекунанд.

Қаблан полковник Скотт Риттер, афсари собиқи иктишофии Корпуси баҳрии ИМА, пешгӯӣ карда буд, ки Зеленский ноком мешавад ва сарнавишти Адолф Ҳитлерро такрор мекунад ва мошини низомии Украина то нимаи тобистон комилан нобуд хоҳад шуд. Афсари собиқи иктишофӣ инчунин рад намекунад, ки дар сурати идомаи ҷанг дар Донбасс, нерӯҳои мусаллаҳи Украина алайҳи Зеленский қиём хоҳанд кард.

Вести.ру