Иди саъиди Фитр муборак бод, дӯстони азиз!

Иди Рамазон омаду моҳи Рамазон рафт,

Сад шукр, ки ин омаду сад ҳайф, ки он рафт.

Фарорасии Иди саъиди Фитрро барои тамоми ҳамватанони гиромӣ ва мардуми шарифи ҷаҳон муборакбод мегӯем.

Аз Парвардигори азимушшаън орзуманди он ҳастем, ки тоату ибодат ва рӯзаи моҳи шарифи Рамазони моро, ки холӣ аз навоқису камбудиҳо набуданд, бо лутфу карамаш ба даргоҳаш қабул фармояд. Худованди бузург ҳамаи мову шуморо бо баракати ин моҳи раҳмату мағфират ва раҳоибахш аз оташи дӯзах ба Рамазони соли оянда дар фазои сулҳу оромии кишвари азизамон ва тамоми ҷаҳон бо тани сиҳату дили шод бирасонад. Илоҳо тамоми он муроду мақсуди некеро, ки дар дилҳои худ мепарварем, Аллоҳ Таъоло баровардаи хайр бигардонад. Иди саъди Фитр ба ҳамагон муборак бод!