Дар Брюссел муносибатҳои Тоҷикистону Иттиҳоди Аврупо баланд арзёбӣ гардиданд

Дар шаҳри Брюссел 15 феврали соли равон вохӯрии дуҷонибаи вазири корҳои хориҷии Ҷумҳурии Тоҷикистон Сироҷидин Аслов бо муовини дабири кулли Хадамоти аврупоии амалиёти хориҷии Иттиҳоди Аврупо хонум Ҳелга Шмид баргузор гардид.

Зимни мулоқот ҷонибҳо доираи васеи масъалаҳои ҳамкориро муҳокима карда, доир ба масъалаҳои минтақавию байналмилалӣ, аз ҷумла вазъи Афғонистон изҳори назар намуданд.

Мусоҳибон муносибатҳои Тоҷикистону Иттиҳоди Аврупоро баланд арзёбӣ намуда, доир ба ҷаласаи навбатии Шӯрои ҳамкорӣ миёни Ҷумҳурии Тоҷикистон ва Иттиҳоди Аврупо, ки баргузории он 16 феврали соли равон дар назар аст, мубодилаи афкор намуданд.

Ҷаласаи Шӯрои ҳамкорӣ таҳти раисии вазири корҳои хориҷии Шоҳигарии Нидерланд Берт Кендерс баргузор хоҳад шуд. Ҳайати Тоҷикистонро дар ҷаласаи мазкур вазири корҳои хориҷӣ Сироҷидин Аслов роҳбарӣ мекунад.