Нусратулло Давлатзода: “Соли 2015 нақшаи андозҳо ва пардохтҳо зиёд ҷамъоварӣ гардид”

“Дар соли 2015 нақшаи андозҳо ва пардохтҳо ба андозаи 101,3% таъмин гардида, ба ҷойи 7 858,6 млн. сомонии пешбинишуда ба буҷет 7 млрд. 961,8 млн. сомонӣ ворид шуд, ки нисбат ба нишондиҳандаҳои нақшавӣ 103,2 млн. сомонӣ зиёд ва нисбат ба маблағҳои дар соли 2014 воқеан ҷамъоварӣ гардида, ба андозаи 844,7 млн. сомонӣ, ё худ 12 % бештар мебошад”,- гуфт раиси Кумитаи андози назди Ҳукумати Ҷумҳурии Тоҷикистон Нусратулло Давлатзода имрӯз зимни нишасти матбуотӣ.

Ба гуфтаи Нусратулло Давлатзода иҷрои нақшаи воридоти андозҳо ва пардохтҳо бо назардошти андози иҷтимоии ғайрибуҷетӣ дар соли 2015 дар Вилояти Мухтори Кӯҳистони Бадахшон-111,0%, вилояти Хатлон-103,1%, вилояти Суғд-101,5% ва шаҳри Душанбе-95,0% таъмин шуд.

АМИТ «Ховар»