Коҳиши содирот ва афзоиши воридот дар Тоҷикистон
Дар ҳоле, ки мизони содирот дар Тоҷикистон аз ибтидои имсол то кунун 12 дарсад коҳиш ёфта, миқдори воридот бо афзоиши 20 дарсадӣ рубарӯ шудааст.
Ба гузориши радиои тоҷикӣ ба нақл аз сойти Азия плюс", мақомоти Оҷонси давлатии омори Тоҷикистон вобаста ба ниҳоди раёсати ҷумҳурии ин кишвар эълом кардаанд, дар 9 моҳи гузашта тирози тиҷорати хориҷии ҷумҳурӣ манфӣ буда ва мизони воридот бар содирот афзоиш дошта аст.
Ин гузориш арзиши колоҳои содиршуда аз Тоҷикистонро дар ин муддат 777 миллион доллар эълом карда ва афзуда аст: "Ин дар ҳолест, ки дар ин муддат барои воридоти маҳсулоти мухталиф ба Тоҷикистон 2 миллиарду 700 миллион доллар ҳазина шудааст".
Дар гузориши ин ниҳод таъкид шуда аст, дар 9 моҳи гузашта Тоҷикистон бо 10 кишвари узви Иттиҳоди давлатҳои мустақил ва 86 кишвари хориҷӣ равобити тиҷорӣ ва табодули арзу коло дошта аст.
Дар ин муддат Русияи бо як миллиард доллар, Қазоқистон бо 600 миллион доллар, Чин бо 592 миллион доллар ва Туркияи бо 456 миллион доллар арзиши муомилоти тиҷорӣ, аз шарикони аслии иқтисоди Тоҷикистон будаанд.
