Ақибмондагии кишварҳои Осиёи Марказӣ аз нигоҳи фанновариҳои ҷадид

Кишварҳои Осиёи Марказӣ аз нигоҳи истифода аз фанновариҳои ҷадид, на танҳо дар сатҳи ҷаҳонӣ, балки аз бархе аз ҷумҳуриҳои қаламрави Шуравии собиқ низ ақибмондаанд.  

Ба гузориши сойти EurasiaNet, гузориши ахири бунёди "Шохиси истифода аз фанновариҳои ҷадид" нишон медиҳад, ки Узбакистон, Тоҷикистон ва Қирғизистон дар ин радабандӣ дар радифи 128, 137 ва 112 ҷаҳонӣқарор гирифтаанд ва номи Туркманистон дар ин феҳрист наомада аст.  

Ин радабандӣ, 143 кишвари ҷаҳонро шомил мешавад ва дастовардҳои илмӣ ва фанноварии ҳар кишвар, бар асоси 81 шохис, назири рушди улум, омодасозии кадрҳои мутахассис, сармоягузорӣ барои тарҳҳои фанновариҳои ҷадид ва эҷоди зерсохтҳои асосӣ таъин мешавад

Дар ин миён, Қазоқистон дар радаи 79 ҷаҳонӣқарор гирифта ва Русия ва Молдова низ ба гурӯҳи 50 кишвар шомил шудаанд. Се кишвари каронаи Дарёи Балтика аз ҷумлаи ҷумҳуриҳои Шуравии собиқ дар ин раданбандӣ, дар мақоми 24, 34 ва 39 ҷаҳонӣқарор гирифтаанд.  

Мақоми нахусти истифода аз фанновариҳои ҷадид дар ҷаҳонро кишвари Шетсария ба худ ихтисос дода аст.  

http://tajik.irib.ir