“Сангчарх”-и бародарон чоп шуд
Нашриёти “Адиб” романи “Сангчарх”-и бародарон Шарифбек ва Ҳокими Азизро аз чоп баровард. “Сангчарх” романи детективӣ буда, пайгири як ришта ҷиноятҳои муташаккил дар деҳоти дурдасти кӯҳистон аст. Муаллифон бо офариниши саҳнаҳои хотирмони ҷиноӣҷасорат ва дониши фасеҳ доштани кормандони милитсияро нишон идодаанд.
Шарифбек Азизӣ ҳуқуқшинос аст ва солиёни зиёде корманди мақомоти ҳифзи ҳуқуқ будааст. Аммо аз хеле замонҳо ба навиштани қиссаву ҳикоя ва повестҳои детективӣ машғул шуда, то ҳадде комёб ҳам шудааст. Қаҳрамонҳои офаридаи ӯ аз ҳаёти воқеъӣ гирифта шудаанд, вай кӯшидааст кордониву матонати кормандони хадамоти махсусро либоси бадеият пӯшонад ва муборизаи хайру шарро дар тимсоли онҳо нишон диҳад.
Шарифбеки Азиз муаллифи қиссаву романҳои “Ҷосус”, “Дурахши алмос”, “Пораи қанд”, “Порикоб”, “Бо навои борон”, “Сангҳои сари роҳ” мебошад.
Ҳокими Азиз бошад, рӯзноманигор ва хатмкардаи факултаи филологияи Донишгоҳи давлатии Тоҷикистон аст. То ин замон китобҳои пажуҳишиву илмии ӯ бо номҳои “Нақши хаёл ва ороишоти ҳунарӣ дар шеъри Мавлоно”, “Гуфтугӯ бо Лоиқ”, “Қалам аз пайи қадам”, “Сӯҳбати мардона”, “Дар меҳмонии адиб” интишор ёфтаанд. Дар айни замон сармуҳаррири маҷаллаи илмии “Илм ва инноватсия” мебошад.