Парвиз Мушарраф муттаҳам ба қатли Беназир Буту шуд
Парвиз Мушарраф, раиси ҷумҳури пешини Покистон, ба нақш доштан дар қатли Беназир Буту, нахуствазири пешин ва раҳбари мухолифони давлати вақт, расман муттаҳам шуд. Мароҷеъи қазоӣ женерол Парвиз Мушаррафро ба қатл, тавтеъа барои қатл ва тадорук дидан барои қатл муттаҳам кардаанд.
Оқои Мушарраф дар ҷаласаи тафҳими иттиҳом изҳори назари умумӣ накардааст. Баргузории додгоҳи ӯ ба 27 август мавкул шудааст. Ӯ, ки дар ҳоли ҳозир дар ҳабси хонагӣ ба сар мебарад, дар миёни тадобири шадиди амниятӣ барои ҷаласаи тафҳими иттиҳом ба додгоҳе дар Ровалпендӣ мунтақил шуд. Дар ин парванда шаш нафари дигар , аз ҷумла чаҳор низомӣ ва мақоми аршади пулис низ муттаҳам шудаанд.
Парвиз Мушарраф, ки аз соли 1999 ва ба дунболи кудетое зимоми умурро дар Покистон ба даст гирифт, дар соли 2008 маҷбур ба канорагирӣ аз қудрат шуд. Ӯ сипас дар табъидии худ муддате дар Дубай ва Ландан зиндагӣ кард, то ин ки дар моҳи марти имсол пас аз гузашти 4 сол ба Покистон бозгашт. Ӯ пас аз бозгашт таҳти ҳабси хонагӣ қарор гирифт ва ба иттиҳоми эҳмол дар таъмини амнияти Беназир Буту қарори васиқа барояш эълом шуд.
Беназир Буту, нахуствазири собиқи Покистон, дар декабри соли 2007 тайи инфиҷоре, ки дар як иҷтимоъи интихоботӣ дар шаҳри Ровалпендӣ рух дод, кушта шуд. Хонуми Буту ду бор тайи солҳои 1988 то 1996 нахуствазири ۀпокистон буд ва нахустин зан дар ин кишвар буд, ки ба чунни мақоме даст ёфт.
Би-Би-Си