08:22:08 28-уми Октябри 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Октябр 2020 > >>
Дш Сш Чш Пш Ҷм Шб Яш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Рафъи монеаи охирин барои бунёди CASA-1000

Афғонистону Покистон дар мавриди тарҳи CASA-1000 созишномаеро ба имзо расонданд, ки ба қавли сафири Тоҷикистон дар Исломобд монеаи охирин дар ин замина буд ва рафъ гардид.

casa-1000 4578421Кобулу Исломобод дар мавриди тарҳи CASA-1000, ки ба хотири интиқоли нерӯи барқи Осиёи Миёна ба Покистон таҳия шудааст, ба созиш расиданд. Бар пояи ин созиш, Афғонистон барои ҳар киловат барқе, ки аз тариқи ин кишвар ба Покистон интиқол меёбад, дувуним сент ҳаққи транзит мегирад.

Умар Зохилвол, мушовири иқтисодии раисиҷумҳури Афғонистон ва Исҳоқ Дор -- вазири молияи Покистон дар ҷараёни ҷаласаи Бонки ҷаҳонӣ дар Вошингтон рӯзи якшанбе тавофуқномаеро дар ин бора имзо карданд. Амрико ҳам аз имзои ин созиш истиқбол кард. Ҷейн Псакӣ, сухангӯи Вазорати умури хориҷаи Иёлоти Муттаҳида, гуфт, имзои ин созиш аз аввалин дастовардҳои ҳукумати ваҳдати миллӣ дар бахши сиёсати хориҷии Афғонистон аст. Ӯ афзудааст, Вошингтон дар робита ба ин тарҳ бо ҳамаи чаҳор кишвари вориди тарҳи CASA-1000, яъне Тоҷикистон, Қирғизистон, Покистон ва Афғонистон ва бо ҷомеаи ҷаҳонӣ дар тамос хоҳад буд, зеро Амрико барои ҳифзи тааҳудоти дарозмуддаташ дар бахшҳои амният ва суботи Афғонистон ба татбиқи тарҳи CASA-1000 алоқаманд аст.

ШералӣҶонон, сафири Тоҷикистон дар Покистон, дар сӯҳбат бо Радиои Озодӣ гуфт, бо имзои созишнома миёни Кобулу Исломобод дар бораи ин тарҳ монеаи охирин дар роҳи татбиқи он аз байн бурда шуд. Ба гуфтаи дипломати тоҷик, акнун Шӯрои байнидавлатие, ки барои татбиқи тарҳ таъсис шудааст, бояд дар мавриди кай шурӯъ шудани корҳо тасмим бигирад. ШералӣҶонон меафзояд, “дар Покистон амалӣ шудани тарҳи CASA-1000-ро бесаброна интизоранд, зеро бо татбиқи он на фақат манотиқи зиёди Покистон чароғон мешавад, балки ҳазорон ҷойҳои кор муҳайё мешаванд, бахшҳои гуногун – саноат, беҳдошт, маориф, мухобирот рушд мекунанд”.

Ба гуфтаи сафири Тоҷикистон дар Исломобод, дар тӯли тарҳи СASA-1000, ки тақрибан 1 ҳазору 200 километрро ташкил медиҳад, на фақат хатҳои баландшиддати барқ, балки роҳу пулҳо низ бунёд хоҳанд шуд. Покистон интизор дорад, аз ин хатти барқ барои баровардани ниёзмандиҳояш 1000 мегаватт нерӯи барқ гирад. Баъд аз бунёди роҳу пулҳо Тоҷикистон ва дигар Осиёи Марказӣ метавонанд аз ин масир ба бандарҳои Қарочӣ ва Гвадари Покистон низ роҳ ёбанд.

Арзиши тарҳи СASA-1000 1 миллиарду 17 миллион доллар ҳисоб шудааст ва дар сармоягузории он Бонки ҷаҳонӣ, Бонки исломии рушд ва Оҷонси рушди байналмиллалии Амрико саҳм хоҳанд дошт. Бонки ҷаҳонӣ моҳи марти соли равон эълом дошт, барои татбиқи тарҳ 526 миллион доллар ихтисос медиҳад. Гуфта мешавад, аз ин маблағ 316 миллион доллар ба Афғонистон, 45 миллион доллар ба Тоҷикистон ва 120 миллион доллар ба Қирғизистону Покистон қарз дода мешавад.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi