16:10:27 19-уми Августи 2019 сол
Ahmad Zahir - banner 2015
 
 youtube-ruzgor-2014

Qissahoi hijrat - 2015
 
1.banner grunger 2019
 

Тақвим

<< < Август 2019 > >>
Дш Сш Чш Пш Ҷм Шб Яш
      1 2 3 4
5 6 7 8 9 10 11
12 13 14 15 16 17 18
20 21 22 23 24 25
26 27 28 29 30 31  

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

ТОШКАНД МОНЕИ ИНТИҚОЛИ МАҲБУСОН АЗ ХУҶАНД БА ДУШАНБЕСТ

Мақомоти тоҷик мегӯянд, Тошканд барои интиқоли маҳбусон аз Хуҷанд ба Душанбе тавассути қатора иҷоза намедиҳад. Узбакистон иҷоза надодааст, ки Сарраёсати умури зиндонҳои Тоҷикистон гурӯҳи маҳбусонро тавассути қатора ё поезд аз Хуҷанд ба Душанбе интиқол диҳад. Барои убури ин қатора, ки аз марзи Узбакистон мегузарад, иҷозаи Тошканд муҳим будааст.

/images/stories/2012/10/08_rohi-ohan-081012.jpgМақомоти тоҷик мегӯянд, қаблан ҳар моҳ гурӯҳи зиндониёнро зери назорати посбонони мусаллаҳ бо қатора ба пойтахт мефиристоданд. Аммо дар ду-се соли охир Тошканд дар пайи сард шудани равобиташ бо Душанбе гирифтани муҷаввиз ё иҷозатномаи хосро барои ҳар навбат шарт гузошта ва ҳоло аз додани он ҳам худдорӣ мекунад. Аз оғози соли ҷорӣ то кунун Узбакистон танҳо як бор иҷоза додааст, ки маҳбусони тоҷик тавассути қатора аз Хуҷанд ба Душанбе фиристода шаванд.

Гулзора Тайгуншоева, мудири шӯъбаи махсуси Сарраёсати умури зиндонҳои Тоҷикистон, гуфт, маҳбусоне, ки бояд ба Душанбе интиқол ёбанд, аслан зодаи пойтахт ва минтақаҳои дигари ҷануби кишваранд. Ӯ афзуд, дар тӯли 10 рӯзи баъд аз мавриди иҷро қарор гирифтани ҳукмашон ин афрод бояд ба маҳбасҳои наздиктар ба ҷойи зисташон интиқол ёбанд, аммо ба далели мухолифатҳои Узбакистон ин кор ба таъхир афтодааст.

"Ҳамчунин дар вилояти Суғд маҳбасҳои занона, барои ноболиғон ва бори аввал ҳабсшудагон низ мавҷуд нест, ин қабил зиндониён тавассути қатора маъмулан ба зиндонҳои ҷануби кишвар фиристода мешуданд. Дар Хуҷанд зиндонҳои низомашон сахт ва пурзӯр ҷой гирифтааст",-илова кард ӯ.

Ба иттилои Сарраёсати умури зиндонҳои Тоҷикистон, дар ҳоли ҳозир ҳудуди 150 маҳбус, ки бояд ба Душанбе интиқол ёбанд, ба таври муваққат дар муассисаҳои ислоҳотии Хуҷанд нигаҳ дошта мешаванд. Хонум Гулзора гуфт, "ин маҳбусонро бо нақлиёти автомобилӣ тӯли 7-8 соат то Душанбе интиқол додан аз нигоҳи амниятӣ душвор аст. Роҳи ҳавоӣ бошад, гарон аст, аз ин рӯ, мо барои ҳалли ин мушкил талош дорем. Чунки медонем, хешу табори маҳбусон ҳам барои дидор бо онҳо роҳи дарозро бояд тай карда ба ин ҷо оянд."

Мо ба мақомоти Раёсати оид ба корҳои ислоҳотӣ дар Хуҷанд тамос гирифта, хостем аз ҳоли маҳбусоне, ки мунтазири интиқол ба Душанбе ҳастанд, огоҳ шавем. Аммо муовинони сардори Раёсати мазкур ба далели дар сафари корӣ будани раҳбарашон дар бораи фаъолияти муассисаи худ аз суҳбат худдорӣ карданд.

«Озодӣ»



Шарҳҳо   

 
0 #1 baxa 09.10.2012 15:28
ba hamu perevali anzob bioren zindonihoro chi hojat ast ki ba uzbakiston onhoro ba dushanbe intikol medihed?
 

Назари Шумо

Security code
навсозӣ

sultoni-qalbho
askshoi-khotiravi