18:24:44 03-уми Декабри 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Декабр 2020 > >>
Дш Сш Чш Пш Ҷм Шб Яш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25
Внимание
  • Lack of access rights - File 'http:/scontent-arn2-2.xx.fbcdn.net/v/t1.0-0/c0.0.1117.294a/p600x600/91046110_3269520836411096_8955915738908983296_o.jpg'

"ОТА МАКОН" АЗ РАВШАН СОБИРОВ РӮ ГАРДОН

Айни замон, бо тақозои ҳизб Собиров муваққатан аз курсии вазирӣ барканор шудааст. Вакили дифои Равшан Собиров имрӯз ба додгоҳи шаҳри Бишкек дархости бознигарӣ шудани ҳукми боздошти вазири муваққаттан барканоршудаи рушди иҷтимоии Қирғизистонро ироа  кард.

/images/stories/2012/07/09_sobirov-090712.jpgДар ин бора Қубоничбек Тошбӯлтаев  дар сӯҳбат бо мо аз Бишкек хабар дод. Вай гуфт, ки дар аризааш вакил дар бораи “беасос ва бедалел” ба боздоштгоҳи Кумитаи давлатии амнияти миллии (КДАМ) Қирғизистон интиқол ёфтани Собиров таъкид шудааст. "Шояд дар як-ду ҳафтаи наздик онҳо посухи ин аризаи моро бидиҳанд", гуфт вакили дифоъ.

Рӯзи ҷумъаи 6-уми июл додгоҳи ноҳияи Первомайскии шаҳри Бишкек ҳукм кард, ки вазири рушди иҷтимоии Қирғизистон, ки дар гирифтани пора муттаҳам мешавад, то охири тобистон дар боздоштгоҳи КДАМ нигаҳдорӣ шавад. Ин ҳукм тарафдорони ӯ аз ҳизби ҳокими “Ота Макон”, аъзои ҳукумат ва хешу наздиконашро такон дод. Онҳо бо як овоз мегӯянд, ки ба гунаҳгор будани Собиров шак доранд.

Айни замон, як рӯз баъд аз ҳукми додгоҳ  7-уми июл, раҳбари ҳукумати ин кишвар Омурбек Бабанов бо дархости ҳизби “Ота Макон” дар парлумон Равшан Собиров муваққатан аз вазифаи вазири рушди иҷтимоии ин кишвар барканор шуд. Дар изҳороти ин ҳизб гуфта мешавад, ки айбдор будани Собировро суд муайян хоҳад кард ва ҳизб ӯро гунаҳгор намеҳисобад.

Вале “дар шароите, ки зидди фасоду ришват муборизаи беамон эълон шудааст ва ҳизби “Ота Макон” ҳам як ҷузви ин муборизаҳо аст, ҳама гуна шубҳаву гумон эътимоди шаҳрвандонро ба қотеияти азми  мо ба ҳам мезанад”, гуфта мешавад дар изҳороти ин ҳизб.

Раҳбарияти ҳизби “Ота Макон” аз мақомот тақозо кардаанд, ки ин қазия бо риояи тамоми қонунҳо баррасӣ ва муҳокима шавад.

Ниҳоди вижаи мубориза бо фасод дар назди КДАМ мегӯяд, ки вазири 41-сола гӯё ба ёвари худ амр додааст, ки пора гирад. Боздошти ёвари вазир рӯзи 30 июн ба ​​ҳангоми гирифтани ришва аз як ширкати хориҷӣ сурат гирифтааст, ки бо масъалаҳои фарзандхонии атфоли ятими Қирғизистон аз ҷониби хонаводаҳои хориҷӣ машғул аст. Равшан Собировро дар гирифтани пора ба маблағи 15 ҳазор доллар муттаҳам мекунанд. Худи Собиров гуфтааст, ки бегуноҳ аст ва ин иттиҳом “як тавтеа ва тӯҳмат” мебошад.

Дар сӯҳбат бо радиои Озодӣ дар Бишкек вакили дифои Собиров – Қувонишбек Тошболтаев гуфт, ки шахси мавриди ҳимояти ӯ “ором” аст ва иттиҳоми ​​пешгузошташударо рад мекунад.

Аз рӯи иттилои коршиносони қирғиз, қазияи фарзандхонии ятимони Қирғизистон аз ҷониби хориҷиҳо, ки дар он исми Равшан Собиров олуда шудааст, аслан решаҳои амиқи чандинсола дорад. “Ин масъала ҳанӯз дар замони президентон Оқоев ва Боқиев бардошта мешуд ва дастандаркорони зиёд, шаҳрвандони хориҷӣ ва созмонҳои мухталиф, ки бо мо ҳамсӯҳбат мешуданд, эътироф мекарданд, ки ба ҳар як сохторе, ки дар ҷараёни таҳияи санадҳои  фарзандхонӣ муроҷиат мекарданд, аз онҳо пора талаб мекарданд”, гуфт як хабарнигори бахши қирғизии радиои Озодӣ, ки ин масъаларо пайгирӣ кардааст. Таҳлилгарон мегӯянд, ки эҳтимолан Собиров қурбони тавтеаи гурӯҳҳое шудааст, ки ӯро чун як шахси нав дар сохторе бо “қоидаҳои нонавиштаи кӯҳна” қабул надоранд.

Равшан Собиров, ки декабри соли гузашта аз ҷониби парлумон ва ҳизби ҳокими “Ота Макон” ба мақоми вазири рушди иҷтимоӣ пешбарӣ шуд, айни замон як ​​соҳибкори бонуфуз ва доро буда, чун як тоҷик раҳбарии созмони фарҳангии тоҷикони Қирғизистон бо номи “Рӯдакӣ”-ро ба ӯҳда дорад.

- Вай ба ин пул ниёз надорад, чун худ як шахси сарватманду доро аст. Вай тавони таъмини панҷ фарзанд ва бисёр хешони дигарашро  дорад, - гуфт муовини раиси парлумони Қирғизистон. – Вале агар ки гуноҳи вай дар гирифтани пора исбот шавад, мо, чун ҳизби муборизи зидди ришвату фасод, маҷбур мешавем, ки ӯро аз вазифаи вазирӣ бозхонем, - гуфт Асия Сасиқбоева. – Ман шахсан ӯро яку ним соли охир мешиносам ва бо эътимоди тамом мегӯям, ки ӯ як инсони поку баномус аст ва ҳеҷ гоҳ бовар намекунам, ки ба чунин кор даст зада тавонад.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi