ДАСТАҲОИ МУНТАХАБИ ИСПАНИЯ ВА ИТАЛИЯ ДАР ЧОРЯКФИНАЛ

Шоми рӯзи душанбе, дар сабқати Ҷоми Аврупо 2012 дар гурӯҳи «С» ду бозӣ доир гардид. Ду дастаи пурқудрату овозадор, дастаи мунтахаби Испания ва дастаи мунтахаби Италия ҳарифони худро шикаст дода, ба чорякфинал рохҳат пайдо намуданд.

Дастаи мунтахаби Испания тавонист ҳарифи худ, дастаи мунтахаби Хорватияро бо ҳисоби 1:0 шикаст диҳад. Дастаи мунтахаби Италия бошад, дастаи мунтахаби Ирландияро бо ҳисоби 2:0 мағлуб намуд. Акнун шоми имрӯз ду дастаи ғолиби гурӯҳи «D» муайян гардида, бо ғолибони дастаи гурӯҳи «С», яъне дастаи мунтахаби Испания ва дастаи мунтахаби Италия дар чорякфинал қувваозмоӣ хоҳанд намуд.

Ёдовар мешавем, ки имшаб дастаи мунтахаби Укроин бо дастаи мунтахаби Англия ва дастаи мунтахаби Фаронса бо дастаи мунтахаби Шведсия бо ҳам бозӣ менамоянд.

Сӯҳроби Бохтарӣ, барои «Рӯзгор»