МАНЪИ ГУРУСНАШИНӢ, БАСТАНИ ДАҲОН ВА ТАСФИ ПАРЛУМОН
Фасли тамуз н-омада тасфид парлумон,
Аз дасти хешу райъи вакилам маро амон!
Бо пахши тугма хостааш то баранда шуд,
Моро зи курта чанд дигар тугма канда шуд.
Қонунӣ шуд гуруснагӣ бо бастани забон,
Макшой аз таҷаммуъ, азизам, дигар даҳон.
Аз он даме ,ки ҷумла ба шон рой додаем,
Худ дасти хеш баста дигар бой додаем.
Ин турфа боз чанд бароранд оҳи мо,
Худкардаро даво набувад, шуд гуноҳи мо.
Қонун ба рағми ҳукми Худо гар кунад амал,
Сад войи ройу кори мусалмони дилкасал.
СОНӢ