Вакили порлумони Аврупо ИМА-ро як барангезандаи ҷанг дар Украина номид

Клэр Дейли ба CGTN гуфт, Иёлоти Муттаҳида бузургтарин баҳрабардори бӯҳрони Украина аст, дар ҳоле ки Аврупо нархи гарон мепардозад.

Вай дар мусоҳиба дар ҳошияи нишасти пленарӣ дар Страсбург гуфт, "манфиати Вашингтон ба барангехтани низоъ ба хотири заъиф кардани Русия сабаби аслии ҳал нашудани бӯҳрон аст".

Ба андешаи вай, амрикоиҳо дар шароити кунунӣ имкони боз кардани бозори навро мебинанд, ки акнун ба саноати низомии онҳо "рӯзҳои хуш омад".

Узви порлумони Аврупо таъкид кард, "бархе аз намояндагони Амрико мехоҳанд бубинанд, ки тамоми саноеъ дар кишварҳое мисли Олмон муфлис шаванд. Ва раҳбарияти Олмон омода аст бо ин розӣ шавад, дар ҳоле ки дар Амрико ба тиҷорат идома медиҳанд."

Ҳафтаи гузашта дар як нишасти хабарӣ дар пайи натоиҷи музокира бо мақомоти Украина дар Киев раиси Пентагон аз хоҳиши Амрико барои заъиф кардани Русия хабар дод, то "он натавонанд ҳамон амалҳоеро, ки дар Украина анҷом медиҳанд, анҷом бидиҳад."

Суханони ӯ дар Русия мавҷи интиқодҳоро ба бор овард. Ҳамин тавр, Николай Патрушев, дабири Шӯрои Амният ёдовар шуд, ки Маскав ба ҳарчи зудтар анҷом ёфтани амалиёти вижаи низомӣ манфиатдор аст, дар ҳоле ки кишварҳои ғарбӣ саъй доранд, ки онро “ҳатто то охирин украинӣ ба таъхир гузоранд”. Дар навбати худ, сафири Русия дар ИМА Анатолий Антонов қайд кард, ки амрикоиҳо кӯшиш мекунанд, ки як макони бесуботӣ дар Аврупоро нигоҳ доранд ва «барои нигоҳ доштани мавқеи Иёлоти Муттаҳида дар арсаи ҷаҳонӣ муттаҳидони ғарбиро дар атрофи худ муттаҳид кунанд».

Рӯзи 24 феврал Русия амалиёти вижаи низомии Украинаро ба манзури безараргардонӣ ва демилитаризатсия оғоз кард. Путин ҳадафи онро “ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд. Ба гуфтаи вазорати дифоъ, артиши Русия танҳо ба зербиноҳои низомӣ ва нирӯҳои украинӣ зарба мезанад .

РИА Новости