Клинтон мегӯяд, маъмурияти ӯ кӯшиш накардааст, ки Путинро таҳқир ё инзиво кунад

Билл Клинтон, раиси ҷумҳури пешини Амрико гуфт, маъмурияти ӯ ҳеҷ гоҳ барои инзивои Русия ё таҳқир ё нодида гирифтани раисиҷумҳури Русия Владимир Путин иқдом накардааст. Дар ин бора шабакаи телевизионии Fox News хабар медиҳад.

Президенти собиқи ИМА гуфт, "дуруст нест, ки мо барои инзиво, таҳқир ё нодида гирифтани Путин ягон иқдоме анҷом додаем".

Клинтон ҳамчунин мӯътақид аст, ки сиёсатҳои ӯ ба ҳайси раҳбари Иёлоти Муттаҳида ҳеҷ чиз ба тасмими Путин дар мавриди амалиёти вижа дар Украина таъсир накардааст.

"Ман бовар надорам, ки мо барои пешгирӣ кардани ин коре карда метавонем" гуфт сиёсатмадор.

Қаблан Клинтон гуфта буд, ки ба раҳбарони Русия Борис Елтсин ва Владимир Путин "равшан баён кардааст", ки дари узвияти эҳтимолии НАТО ба рӯи Русия боз боқӣ мемонад.

Кремл дар посух гуфт, ки онҳо маълумот надоранд, ки оё чунин пешниҳодҳо воқеан гирифта шудаанд, аммо "комилан маълум аст", ки ҷониби Амрико борҳо дар бораи имконнопазирии узвият ҳарф зада буд.

Виолетта Ханенева, газета.ру