ШОЙГУ БА ПУТИН ДАР БОРАИ ОЗОД КАРДАНИ МАРИУПОЛ ГУЗОРИШ ДОД

Президенти Русия Владимир Путин бо вазири дифои Русия Сергей Шойгу мулоқот кард, хабар медиҳад ТАСС. Мулоқоти вазир бо сардори давлат дар Кремл барпо гардид.

Дар ин нишаст раиси вазорати дифоъ ба раисиҷумҳур дар бораи озод кардани шаҳри Мариупол, ки ба гуфтаи Шойгу, "пойтахти Азови миллатгароён" буд, гузориш дод.

Ба гуфтаи вазир, ҳоло худи шаҳр озод карда шудааст, дар корхонаи «Азовстал» тақрибан ду ҳазор ҷангҷӯ боқӣ мондаанд. Дар баробари ин аллакай 1478 нафар сарбозони украинӣ таслим шудаанд.

Илова бар ин, Шойгу афзуд, ки ҷангҷӯён чаҳор маротиба худро бо мардуми осоишта пӯшида, онҳоро аз таҳхонаҳои хонаҳо берун рондаанд.

Қаблан Рамзан Қодиров, раиси ҷумҳури Чеченистон гуфта буд, ки рӯзи панҷшанбеи 21 апрел корхонаи металлургии "Азовстал" дар Мариупол комилан таҳти назорати нерӯҳои Русия хоҳад шуд.

Як рӯз пеш президенти Украина Владимир Зеленский дар нишасти матбуотӣ гуфт, ки дар ҳудуди корхонаи «Азовстал» тақрибан як ҳазор нафар ғайринизомиён боқӣ мондаанд.