ТАЪСИСИ ТЕЛЕВИЗИОНҲОИ НАВ ДАР ТОҶИКИСТОН

Раиси Кумитаи телевизион ва радиои назди ҳукумати Тоҷикистон ба фаъолият оғоз намудани ширкатҳои радиотлелевизиониро шарҳ дод.

Асадулло Раҳмонов, раиси кумитаи мазкур зимни як нишасте, ки дар Душанбе баргузор гардид, иброз дошт, ки комиссияи иҷозатномадиҳии кумита дар соли гузашта 5 ширкати радиотлелевизиониро мавриди муҳокима қарор додааст. Яъне ба қавли Раҳмонов бо муҳокимаи чунин ширкатҳо 5 шабакаи радиотелевизионии ғайридавлатӣ дар соли 2012 ба фаъолият оғоз кардаанд.

Гуфта мешавад чунин  шабакаҳои радиотелевизионӣ, ин муассисаи ғайридавлатии Радиои Исфара, ширкати радио ва телевизионии Телевизиони Ашт дар вилояти Суғд, Ширкати радиотелевизионии Диёр дар шаҳри Хуҷанд ,Ҷамъияти масъулияташ маҳдуди Симо ТВ дар Панҷакент ва ширкати телевизионии мавҷи Истиқлол дар Душанбе мебошанд.

Асадулло Раҳмонов мегӯяд, ба боқимонда довталабоне, ки ҷиҳати иҷозатномадиҳӣ дархост намудаанд, ба онҳо посухҳои расмӣ аз ҷониби кумита ирсол гардидааст.

Бояд зикр намуд, раиси ин кумита сабаби иҷозатнома надодани бархе аз шабакаҳо, аз ҷумла телевизиони Ҳизби наҳзати исломии Тоҷикистонро низ ёдрас намуд.

Номбурда иҷозат надонаи телевизиони ҲНИТ-ро ба пурра пешниҳод нагардидани маълумоту ҳуҷҷатҳои лозима аз ҷониби роҳбарияти ин ҳизб рабт дод: «Ба ғайр аз як аризае, ки роҳбарияти ин ҳизб барои ташкили телевизион пешниҳод кардааст, номгӯи дигар ҳуҷҷатҳо, манбаи даромади телевизион, ташкили шахси ҳуқуқӣ, дар кадом формат фаъолият кардани телевизион лозим аст».

Темур Раҷабализода, «Рӯзгор»