ДАР ТОҶИКИСТОН МИНАҲОРО ТАВАССУТИ МОШИНИ МАХСУС БЕЗАРАР ХОҲАНД КАРД

Сафири ИМА Кен Гросс ва ҷонишини Вазири мудофиаи Ҷумҳурии Тоҷикистон генерал-майор Грудына дар маросими расмии ба Вазорати дифоъ тақдими мошини безараргардонӣ аз минаҳо «Mini Mine Wolf» ширкат ва суханронӣ намуданд.  

Барои дастгирии кӯшишҳои безараргардонии қаламрави Тоҷикистон аз минаҳо ва таъмини амнияти шаҳрвандони он сафорати ИМА дар якҷоягӣ бо Созмони амният ва ҳамкорӣ дар Аврупо (САҲА) бо Вазорати мудофиаи Ҷумҳурии Тоҷикистон ва Маркази тоҷикистонии оиди масоили минаҳо ҳамкории зич намуданд.  

Дар давоми ду соли охир Вазорати мудофиа мошини безараргардонӣ аз минаҳо Mini Mine Wolf-ро аз Ҳукумати ИМА ба иҷора гирифта онро барои безараргардонии минтақаҳои наздисарҳадӣ мавриди истифода қарор дод. Акнун Тоҷикистон соҳиби дастгоҳи аз масофаи дур идорашавандаи безараргардонӣ аз минаҳо мешавад.  

Мошини безараргардонии бо арзиши 1 миллион доллари ИМА ҷараёни кори бехавфгардониро  хуб таъмин менамояд. Ба минтақаи покшуда бидуни санҷиши иловагӣ сертификати «покшуда»  дода мешавад.

Илова бар ин  САҲА барои нишон додани тарзи дурусти истифодаи дастгоҳи мазкур мутахассисони ботаҷрибаи заруриро низ ба Тоҷикистон эъзом менамояд. Мошинаи безараргардонӣ аз минаҳо аз ҷониби Барномаи Ҳукумати ИМА оид ба маблағгузории сохторҳои ҳарбии хориҷӣ  дар ҳамоҳангӣ бо бахши Сафорати ИМА оид ба ҳамкории ҳарбӣ харидорӣ шудааст.

«Рӯзгор»