МЕДВЕДЕВ БА КУДРИН ТО ИМРӮЗ ФУРСАТ ДОД, КИ БО Ӯ МОНДА Ё ИСТЕЪФО РАВАД

Президенти Русия Дмитрий Медведев имрӯз ба Алексей Кудрин то охири рӯз фурсат дод, ки аз иҷрои масъулиятҳои таъйини сиёсати иқтисодии Кремлин канор рафтан мехоҳад ё на.

Кудрин, ки дар хориҷа ба унвони кафили эътидоли иқтисодии Русия арзёбӣ мешавад, баъди 11 соли иҷрои салоҳиятҳои вазири молия ахиран дар Вашингтон гуфт, ки дар сурати баъди президент шудани Путин нахуствазир шудани Дмитрий Медведев зери дасти ӯ кор нахоҳад кард.

Кудрин гуфтааст, ки сари чанд масъалаи муҳим бо Медведев ихтилофи назар дорад. Хабаргузориҳо дар нақли қавл аз Медведев гуфтанд, ки “агар Кудрин бо сиёсати президент, ки аз ҷониби ҳукумат иҷро мешавад, розӣ набошад, пас интихоб танҳо истеъфо буда метавонад”. Медведев гуфтааст, ки Кудрин бояд имрӯз посухи худро ба президент диҳад.