ПИРӮЗИИ "РӮДАКӢ"-И ҲОШИМ ГАДО ДАР "ПАРАСТУ -2011"

Имрӯз дар Душанбе озмуни миллии театрии Парасту ба поён расид. Ҷоизаи аввали ин ҷашнвора ба театри Лоҳутӣ барои намоишномаи “Рӯдакӣ”-и Ҳошим Гадо ва ба театри “Маяковский” барои намоишномаи “Ишқи Парӣ”-и коргардон Баҳодур Миралибеков эъто шуд.

Театри ҷавонон бо намоиши “Шабе дур аз ватан”-и коргардон Низом Меликов ва театри Камоли хуҷандӣ бо “Бозгашти айём”-ин Сайрам Исоева соҳиби ҷои дуввум ва “Дурахши ахтар”-и театри Хоруғу “Шумқадам”-и театри Кӯлоб сазовори ҷои севвум шуданд.

Намоишномаи “Куштори 114-ум”-и Қурбони Собир ҷоизаи махсуси вазорати фарҳанг ва ҳайати доваронро ба даст овард. Ҷоиза барои беҳтарин нақши мардро Абдумӯъмин Шарифӣ бо худ бурд.