100 НАФАР КОРМАДОНИ АКАДЕМИЯИ ИЛМҲО БА УЗВИЯТИ ҲХДТ БАХШИДА БА РӮЗИ САРҚОНУН
Дар толори маҷлисгоҳи Академияи илмҳои ҶТ бо иштироки аъзои Академияи илмҳо, директорони муассисаҳои илмии АИ ҶТ, муовинони директорон, котибони илмӣ, сармутахассисон ва ходимони дигари илмӣ, магистрон ва аспирантони муассисаҳои илмӣ ва намояндагони воситаҳои ахбори умум маҷлиси тантанавӣ бахшида ба 21 – умин солгарди қабули Конститутсия (Сарқонун) - и Ҷумҳурии Тоҷикистон баргузор шуд.
Маҷлиси тантанавиро президенти Академияи илмҳо, академик Фарҳод Раҳимӣ бо сухани ифтитоҳӣҳусни оғоз бахшида, оид ба моҳият ва мазмуни Сарқонуни Ҷумҳурии Тоҷикистон, аҳамияти он дар ташаккули ҷаҳонбинии илмӣ ва тафаккури техникии ҷомеа ибрози андеша намуд.
Сипас, номзади илмҳои ҳуқуқ Л. Нусратов дар мавзӯи “Нақши идеологии Конститутсия (Сарқонун) - и Ҷумҳурии Тоҷикистон дар таҳаввули шуури ҳуқуқии халқи тоҷик” ва номзади илмҳои ҳуқуқ Г. Маликов дар мавзӯи “Таъсири ҳукумати электронӣ ба ташаккули меъёрҳои конститутсионалӣ” суханронӣ намуда, аҳамияти арзишҳои умумибашарии Сарқонунро ҷиҳати баланд бардоштани шуури ҳуқуқии мардуми тоҷик ва таъсири ҳукумати электронӣ дар амалӣ намудани муқаррароти Сарқонун баён намуданд.
Дар охир 100 нафар кормандони Раёсати Академияи илмҳо ва зерсохторҳои он ба сафи узвияти Ҳизби Халқии Демократии Тоҷикистон қабул шуданд.
Шервони УМРИДДИН, рӯзноманигори хадамоти матбуотии АИ ҶТ